Gujarat માં સરકારી મેડિકલ કોલેજના તબીબોના વેતનમાં 55 ટકા સુધીના વધારાની જાહેરાત…
ગાંધીનગર : ગુજરાતના(Gujarat) સરકારે તબીબી શિક્ષકોના હિતમાં મહત્વપૂર્ણ નિર્ણય કરીને સરકારી કૉલેજ સંલગ્ન હોસ્પિટલમાં ફરજ બજાવતા કરાર આધારિત વર્ગ-1 અને વર્ગ-2ના તબીબી શિક્ષકોને અપાતા માસિક વેતનમાં નોંધપાત્ર વધારો કરવામાં આવ્યો છે. આ નિર્ણય અંતર્ગત કરાર આધારિત તબીબી શિક્ષકોને માસિક વેતનમાં 30 થી 55 ટકા સુધીનો વધારો મળશે.
માનનીય મુખ્યમંત્રીશ્રી @Bhupendrapbjp જીના નેતૃત્વ હેઠળ તબીબી શિક્ષકોના હિતમાં મહત્વપૂર્ણ નિર્ણય કરીને રાજ્યની સરકારી મેડિકલ કૉલેજ સંલગ્ન હોસ્પિટલમાં ફરજરત કરાર આધારિત વર્ગ-૧ અને વર્ગ-૨ના તબીબી શિક્ષકોને અપાતા માસિક વેતનમાં નોંધપાત્ર વધારો કરવામાં આવ્યો છે.
— Rushikesh Patel (@irushikeshpatel) October 9, 2024
શ્રેષ્ઠ આરોગ્ય સેવા… pic.twitter.com/JM43lMO5R1
પ્રોફેસર વર્ગ-1ના કર્મચારીને હવેથી માસિક વેતન 2,50,000 ચૂકવાશે
હાલમાં પ્રોફેસર વર્ગ-1ના કર્મચારીને માસિક 1,84,000 ચૂકવવામાં આવતા હતા, જેમાં વધારો કરતા હવેથી માસિક વેતન 2,50,000 કરવામાં આવ્યું છે. જ્યારે સહ પ્રાધ્યાપક વર્ગ-1ને 1,67,500 માસિક વેતન પહેલા ચૂકવવામાં આવતુ હતું, તેમને હવેથી માસિક 2,20,000 રૂપિયા વેતન ચૂકવવામાં આવશે. ત્યારે મદદનીશ પ્રાધ્યાપક વર્ગ-1ને અગાઉ 89,400 રૂપિયા માસિક વેતન ચૂકવવામાં આવતુ હતું તેમણે હવે 1,38,000 વેતન ચૂકવવામાં આવશે.ત્યારે ટ્યૂટર વર્ગ -2ના કર્મચારીના વેતનમાં પણ મોટો વધારો કરવામાં આવ્યો છે. તેમને પહેલા 69,300 વેતન ચૂકવાતુ હતુ. તેમને 1,05,000 માસિક વેતન ચૂકવવામાં આવશે.
