આપણું ગુજરાતટોપ ન્યૂઝ

ગુજરાતના મુખ્ય પ્રધાન પહોંચ્યા જાપાન, સાત દિવસની મુલાકાતે

સીએમ અને તેમના પ્રતિનિધિ મંડળનું જાપાનમાં ઉષ્માભર્યું કર્યું સ્વાગત

ટોકિયો: ગુજરાતના મુખ્ય પ્રધાન ભૂપેન્દ્ર પટેલ આજે સવારે જાપાન પહોંચ્યા હતા. તેઓ વાઈબ્રન્ટ ગુજરાત સમિટ-2024 અંતર્ગત ટોચના પ્રતિનિધિમંડળ સાથે 7 દિવસ વિદેશમાં રહેશે. આ દરમિયાન તેઓ સિંગાપોરની પણ મુલાકાત લેશે. આ પહેલા શનિવારે અયોધ્યામાં રામ લલ્લાના દર્શન અને પૂજા કર્યા બાદ તેઓ શનિવારે સાંજે મુંબઈથી જાપાન જવા રવાના થયા હતા.

જાપાન પહોંચતા મુખ્ય પ્રધાન ભૂપેન્દ્ર પટેલનું ભારતીય રાજદૂત સીબી જ્યોર્જ અને દૂતાવાસના અધિકારીઓ દ્વારા ઉષ્માભર્યું સ્વાગત કરવામાં આવ્યું હતું. વાઈબ્રન્ટ ગુજરાત સમિટ-2024ના પ્રચાર માટે મુખ્ય પ્રધાન જાપાનના અનેક મોટા ઉદ્યોગ સાહસિકોને મળશે. તેઓ વિવિધ પ્રાંતોના ગવર્નરો સાથે એકથી એક બેઠક પણ કરશે. આ દરમિયાન રોડ શોનું પણ આયોજન કરવામાં આવશે.


આવતા વર્ષે જાન્યુઆરીમાં ગુજરાતમાં વાઈબ્રન્ટ ગુજરાત ગ્લોબલ સમિટનું આયોજન થવાનું છે. તેની તૈયારીના ભાગરૂપે રાજ્યના મોટા શહેરોમાં રોડ શો અને ફંક્શનનું આયોજન કરીને રોકાણકારોમાં એક અનુકૂળ વાતાવરણ ઊભું કરવામાં આવી રહ્યું છે. આ અંતર્ગત મુખ્ય પ્રધાન બીજી ડિસેમ્બર સુધી જાપાન અને સિંગાપોરની મુલાકાતે રહેશે.


મુખ્ય પ્રધાન સાથે રાજ્યના મુખ્ય સચિવ રાજકુમાર, ઉદ્યોગ-ખાણ વિભાગના એસીએસ એસજે હૈદર, ગિફ્ટ સિટીના વરિષ્ઠ પ્રતિનિધિ, ગુજરાતના નિવાસી કમિશનર આરતી કંવર, ઈન્ડેક્સટના મેનેજિંગ ડિરેક્ટર અને અન્ય અધિકારીઓ ઉપસ્થિત રહ્યા હતા. મુખ્ય પ્રધાનના ખાનગી સચિવ પણ તેમની વિદેશ યાત્રામાં સાથે છે. મુખ્ય પ્રધાન અને તેમની સાથેની અધિકારીઓની ટીમ 26થી 30 નવેમ્બર સુધી જાપાનમાં રહેશે. આ પછી મુખ્ય પ્રધાન પહેલી અને બીજી ડિસેમ્બરે સિંગાપોરમાં રહેશે.

Show More

Related Articles

Leave a Reply

Your email address will not be published. Required fields are marked *

Back to top button