અમદાવાદઃ સુરતમાં એક પરિવારના લગ્નના આનંદમાં ખલેલ પડી હતી કારણ કે પરિવારના રૂ. 9 લાખ જેટલી કિંમતના સોનાના દાગીના અને રોકડ ભરેલો થેલો ચોરાઈ ગયો હતો. અહીંના સણિયા-હેમાદ ગામના એક ફાર્મમાં લગ્ન આયોજિત કરવામાં આવ્યા હતા. અહીં રૂ. 9.7 લાખની કિંમતના સોનાના દાગીના અને રોકડ ભરેલી થેલી ચોરી થઈ ગઈ હોવાનું જાણમાં આવતા સારોલી પોલીસ મથકે ફરિયાદ કરવામાં આવી હોવાનું સૂત્રો દ્વારા જાણવા મળ્યું હતું.
મળતી માહિતી મુજબ પલસાણાના શેઠાવ ગામે રહેતા અને સાડીનો વેપાર કરતા બળવંતભાઈ કાળુભાઈ હડિયા (ઉં.વ. 44)ના દીકરા અભિષેકના લગ્ન તા.27-11-25ના રોજ નક્કી થયા હતા. આ લગ્નપ્રસંગ માટે પરિવારે સણિયા હેમાદ એન્થમ સર્કલ ખાતે આવેલું ખોડલ ફાર્મ ભાડે રાખ્યું હતું. બળવંત હડિયા લગ્નપ્રસંગ માટે 30.740 ગ્રામ વજનનું 3.92 લાખની કિંમતનું મંગળસૂત્ર અને 5 સોનાની વીંટી અગાઉથી ખરીદ્યા હતા.
આ પણ વાંચો : સુરતમાં ‘ChatGPT’ કૌભાંડ: સ્માર્ટવોચ દ્વારા AI નો ઉપયોગ કરીને વિદ્યાર્થીઓ ચોરી કરતાં પકડાયા!
અહીંના પલસાણાના શેઠાવ ગામે રહેતા અને સાડીનો વેપાર કરતા બળવંતભાઈ કાળુબાઈ હડિયાના દીકરા અભિષેકના લગ્ન યોજાયા હતા. આ લગ્નપ્રસંગનું આયોજન ફાર્મ હાઉસમાં કરવામાં આવ્યું હતું. લગ્ન માટે હડિયા પરિવારે 30.740 ગ્રામ વજનનું રૂ. 3.92 લાખની કિંમતનું મંગળસૂત્ર અને 5 સોનાની વીંટી અગાઉથી ખરીદ્યા હતા. આ ઉપરાંતની અમુક રોકડ રકમ તેમણે એક થેલામાં મૂકી હતી. આ થેલો તેઓ એક જગ્યાએ મૂકી અન્ય કામમાં વ્યસ્ત થયા હતા, પરંતુ અમુક સમય બાદ જોયું તો થેલો ચોરાઈ ગયો હતો. પરિવારે ફાર્મહાઉસ અને આસપાસના વિસ્તારોમાં શોધખોળ કરી હતી, પરંતુ થેલો ન મળતા સારોલી પોલીસ સ્ટેશનમાં ફરિયાદ નોંધાવી હતી. પોલીસે અજાણ્યા શખ્શ વિરુદ્ધ ચોરીનો ગુનો દાખલ કરી, સીસીટીવી કેમેરાના ફૂટેજને આધારે તપાસ શરૂ કરી હોવાનું સૂત્રોએ જણાવ્યું હતું.
