બારડોલીઃ સુરત જિલ્લામાં પડેલા મુશળધાર વરસાદના કારણે ચારેબાજુ જળબંબાકારની સ્થિતિ છે. સુરતના બારડોલીમાં આજે સવારથી જ વરસાદ પડી રહ્યો છે. જેના કારણે જ્યાં નજર કરો ત્યાં પાણી જ પાણી છે. બારડોલીના રાયમ ગામમાં પાણી ભરાતા સ્મશાન યાત્રા હોડીમાં કાઢવામાં આવી હતી. આ ઘટના ચર્ચાનો વિષય બની હતી.
મળતી વિગત પ્રમાણે, ગામના 70 વર્ષના હળપતિ આધેડનું મોત થતા ગામજનોએ હોડીમાં અંતિમ યાત્રા કાઢવાનો વારો આવ્યો હતો. વૃદ્ધાના મૃતદેહને પ્લાસ્ટિકમાં લપેટીને નનામી બાંધીને એક બોટમાં મુકીને લઈ જવામાં આવ્યો હતો. જેની પાછળ પરિવાર અને ગામના લોકો ચાલી રહ્યા હતા.
આ પણ વાંચો: ગુજરાતના 31 જિલ્લામાં નોંધાયો વરસાદ, સુરતમાં જનજીવન અસ્તવ્યસ્ત
સાંજે 4 વાગ્યા સુધીના આંકડા પ્રમાણે, નર્મદાના નાંદોદમાં 8.66 ઈંચ, તિલકવાડામાં 7.13 ઈંચ, દાહોદમાં 7.09 ઈંચ, વાપીમાં 6.02 ઈંચ, જેતપુર પાવીમાં 5.55 ઈંચ વરસાદ પડ્યો હતો.
