Vadodara માં કોલેરાના કેસ વધતા હોવાનો કોંગ્રેસનો દાવો, કોલેરા ગ્રસ્ત જાહેર કરવાની માગ
વડોદરા : વડોદરા(Vadodara)શહેરમાં છેલ્લા અનેક દિવસોથી કોલેરાના કેસમાં વધારો થઈ રહ્યો છે. તેવા સમયે કોર્પોરેશનમાં વિપક્ષના નેતા અમી રાવતે શહેરમાં કોલેરાના સત્તાવાર આંકડા જાહેર કરવા અને કોલેરાગ્રસ્ત જાહેર કરવા મ્યુનિસિપલ કમિશ્નરને પત્ર લખીને માગ કરી છે. તેમણે પત્રમાં લખ્યું છે કે પાણી પુરવઠામાં પ્રદૂષણને નિયંત્રણમાં લેવા યોગ્ય પગલાં લેવા જોઇએ. કોર્પોરેશનના હેલ્થ બુલેટિનની રિપોર્ટિંગ સિસ્ટમ સુધારવાની જરૂર છે. જેમાં હાલ કોલેરાના શૂન્ય કેસ દર્શાવે છે જ્યારે એસએસજીમાં 9 કેસ અને એકલા જમનાબાઈમાં 2 કેસ છે.
કોર્પોરેશનના હેલ્થ બુલેટીનમાં શૂન્ય કેસ
આ ઉપરાંત આ બંને હોસ્પિટલોએ આ કેસની જાણ કોર્પોરેશનને કરી છે જ્યારે કોર્પોરેશનના હેલ્થ બુલેટીનમાં તેની સંખ્યા શૂન્ય જોવા મળી છે. તેથી અન્ય હોસ્પિટલો દ્વારા IHIP પર રિપોર્ટ કરવા છતાં, કોર્પોરેશન કેમ હકીકતો જાહેર કરતું નથી. જો વડોદરા શહેરમાં કોલેરા રોગચાળો છે તે સ્વીકારતું નથી. તો તે તેને કેવી રીતે નિયંત્રિત કરશે? ગઈકાલે મેં જાતે જૂના શહેર વિસ્તારના પાંચ કેસની વિગતો શેર કરી છે. જમનાબાઈ હોસ્પિટલમાં દર્દીઓ છે અને અત્યાર સુધી સારવાર લીધી છે.
કોલેરા જાગૃતિનો સંદેશ ફેલાવવા અપીલ
આ ઉપરાંત વડોદરા કોર્પોરેશન પાસે વિશાળ LED ડિસ્પ્લે સ્ક્રીન છે. આવી બિમારીના કિસ્સામાં અમે માંગ કરીએ છીએ તેનો ઉપયોગ ઉકળતા પાણી, ક્લોરિન ટેબ્લેટનો ઉપયોગ, હાથ ધોવા વગેરેના સંદેશા પ્રસારિત કરવા માટે થવો જોઈએ.
કેવી રીતે ફેલાય છે કોલેરા ?
કોલેરા એ આંતરડાનો ચેપ છે જે મળથી દૂષિત ખોરાક અને પાણી દ્વારા ફેલાય છે. કોલેરા બેક્ટેરિયમ (વિબ્રિઓ કોલેરા) વ્યક્તિના આંતરડા પર હુમલો કરે છે અને તેના કારણે ઝાડા, ઉલટી થાય છે તેમજ ત્યારબાદ શરીરમાંથી પ્રવાહી ઘટી જાય છે
