ગુજરાતમાં ઠંડીનું જોર ઘટ્યું! સૌરાષ્ટ્રમાં દિવસનું તાપમાન 33°C સુધી પહોંચ્યું…
અમદાવાદ: ગુજરાતમાં છેલ્લા અઠવાડિયાથી ઠંડીનું જોર તેના પ્રમાણમાં ઘટતું જણાઈ રહ્યું છે. તેમ છતાં કચ્છ અને સૌરાષ્ટ્રના અમુક ભાગોમાં ન્યૂનત તાપમાન નોંધપાત્ર રીતે નીચું રહ્યું હતું. જ્યારે દિવસનું તાપમાન સૌરાષ્ટ્રમાં 33 ડિગ્રી સેલ્સિયસ સુધી પહોંચી ગયું હતું. જ્યારે નલિયામાં ન્યૂનતમ તાપમાનનો પારો રાજ્યમાં સૌથી નીચો 11.6 ડિગ્રી સેલ્સિયસ રહ્યો હતો.
છેલ્લા 24 કલાક દરમિયાન રાજ્યના ન્યૂનતમ તાપમાનની વાત કરીએ તો સૌથી નીચું તાપમાન નલિયા ખાતે 11.6 ડિગ્રી સેલ્સિયસ નોંધાયું હતું. અમરેલીમાં 13 ડિગ્રી સેલ્સિયસ, રાજકોટમાં 13.2 ડિગ્રી સેલ્સિયસ, પોરબંદરમાં 14.3 ડિગ્રી સેલ્સિયસ, ડીસામાં 14.6 ડિગ્રી સેલ્સિયસ, જામનગરમાં 14.9 ડિગ્રી સેલ્સિયસ, ગાંધીનગરમાં 15.5 ડિગ્રી સેલ્સિયસ, દાહોદમાં 15.5 ડિગ્રી સેલ્સિયસ, ભુજમાં 15.8 ડિગ્રી સેલ્સિયસ, અમદાવાદ 16 ડિગ્રી સેલ્સિયસ, વડોદરામાં 18.0 ડિગ્રી સેલ્સિયસ, ભાવનગરમાં 18 ડિગ્રી સેલ્સિયસ, વડોદરામાં 18.8 ડિગ્રી સેલ્સિયસ, સુરતમાં 19.1 ડિગ્રી સેલ્સિયસ અને દ્વારકા 19.4 ડિગ્રી સેલ્સિયસ તાપમાન નોંધાયું હતું.
જ્યારે દિવસ દરમિયાનના મહત્તમ તાપમાનની વાત કરીએ તો સૌથી વધુ તાપમાન રાજકોટમાં 33.6 ડિગ્રી સેલ્સિયસ નોંધાયું હતું. જ્યારે વેરાવળમાં 32.6 ડિગ્રી સેલ્સિયસ, સુરતમાં 32.4 ડિગ્રી સેલ્સિયસ, ભુજ 31.8 ડિગ્રી સેલ્સિયસ, પોરબંદરમાં 31.7 ડિગ્રી સેલ્સિયસ, ગાંધીનગરમાં 31.6 ડિગ્રી સેલ્સિયસ, અમદાવાદમાં 31.3 ડિગ્રી સેલ્સિયસ, વડોદરામાં 31.1 ડિગ્રી સેલ્સિયસ, ભાવનગરમાં 30.8 ડિગ્રી સેલ્સિયસ અને ડીસામાં 30.9 ડિગ્રી સેલ્સિયસ તાપમાન નોંધાયું હતું.
