આપણું ગુજરાતટોપ ન્યૂઝ

પોરબંદરમાં 600 કરોડની કિંમતના ડ્રગ્સના જથ્થા સાથે 14 પાકિસ્તાની પકડાયા

પોરબંદર: ગુજરાત લોકસભા ચૂંટણીના મતદાન પહેલા ગુજરાત સહિત રાજસ્થાનમાથી ડ્રગ્સનો મોટો જથ્થો ઝડપાયા બાદ, હવે પોરબંદર નજીક આંતર રાષ્ટ્રીય બોર્ડર પરથી એટીએસ અને નાર્કોટિક્સ કંટ્રોલ બ્યૂરો (NCB)ના સંયુક્ત ઓપરેશનમાં 90 કિલો જેટલો ડ્રગ્સનો જથ્થો ઝડપાયો છે. ડ્રગ્સના આટલા મોટા જથ્થા સાથે 14 પાકિસ્તાની નાગરિકની ધરપકડ કરવામાં આવી છે. આંતર રાષ્ટ્રીય બજારમાં ડ્રગ્સના આ જથ્થાની કિમત અંદાજે 600 કરોડ થવા જાય છે.

ઇન્ડિયન કોસ્ટ ગાડે 28 એપ્રિલ 24ના રોજ દરિયામાં ગુપ્ત માહિતી આધારે એન્ટી-નાર્કોટિક્સ ઓપરેશન હાથ ધર્યું હતું. જેમાં પાકિસ્તાની બોટમાંથી 14 ક્રૂ સાથે રૂ. 600 કરોડની કિંમતનો અંદાજે 86 કિલો નાર્કોટિક્સ પકડવામાં આવ્યો હતો. આ ઓપરેશન જેમાં ભારતીય કોસ્ટ ગાર્ડ (ICG) એન્ટી ટેરરિઝમ સ્ક્વોડ (ATS) અને નાર્કોટિક્સ કંટ્રોલ બ્યુરો (NCB) એ સહયોગ કર્યો હતો .જે સફળ ઓપરેશનમાં પરિણમ્યો હતો.

ઓપરેશનને સફળ કરવા માટે ભારતીય કોસ્ટ ગાર્ડના જહાજો અને એર ક્રાફટ મિશન પર તૈનાત કરવામાં આવ્યા હતા. ICG જહાજ રાજરતન, જેમાં NCB અને ATS અધિકારીઓ હતા, તેણે શંકાસ્પદ બોટની ઓળખ કરી હતી. ડ્રગથી ભરેલી બોટ દ્વારા ઉપયોગમાં લેવામાં આવતી કોઈપણ પ્રકારની છટકબારી કોસ્ટ ગાર્ડના જહાજ રાજરતન ને લીધે થઇ શકી નથી.અને ટ્રેપ સફળ થઈ હતી. જહાજની નિષ્ણાત ટીમે શંકાસ્પદ બોટ પર સવારી કરી અને સંપૂર્ણ તપાસ કર્યા પછી, મોટી માત્રામાં માદક દ્રવ્યોની હાજરીની પુષ્ટિ કરી હતી.

આ પણ વાંચો: રૂ. 252 કરોડના મેફેડ્રોનની જપ્તિનો કેસ: મુખ્ય આરોપીએ ડ્રગ્સ વેચીને મેળવેલી 3.46 કરોડની રોકડ હસ્તગત કરાઇ

પાક બોટને તેના ક્રૂ સાથે પકડી લેવામાં આવી છે અને વધુ તપાસ માટે તેને પોરબંદર લાવવામાં આવી રહી છે. ICG અને ATSની સંયુક્તતા, જેના કારણે છેલ્લા ત્રણ વર્ષમાં કાયદાના અમલીકરણની આવી અગિયાર સફળ કામગીરી થઈ છે, જે રાષ્ટ્રીય ઉદ્દેશ્ય માટે સિદ્ધ થઈ છે.

શનિવારે 230 કરોડની કિમતનો ઝડપાયો જથ્થો

ગુજરાત એટીએસ અને એનસીબીની ટીમે શનિવારે ગાનધિંગરના પીપળજ માં કરેલી મોટી કાર્યવાહી માં અંદાજે 230 કરોડની કિમતનો ડ્રગ્સનો જથ્થો ઝડપી લીધો હતો . પીપળજમાં ડ્રગ્સ બનાવવા માટેનું રો મટિરિયલ અને 25 કિલો જેટલો તૈયાર જથ્થો ઝડપી લેવામાં એટીએસ-એનસીબીને સફળતા મળી હતી. ગુજરાતના એક અને રાજસ્થાનના બે સ્થળો પર એટીએસએ દરોડા પાડ્યા હતા. જેમાં 25 કિલો એમડી ડ્રગ્સ સાથે 10થી વધુ આરોપીઓની ધરપકડ કરી હતી.

અગાઉ રૂ. 480 કરોડનું ડ્રગ્સ ઝડપાયું હતું

ઉલ્લેખનીય છે કે, અગાઉ પણ પોરબંદરના દરિયામાંથી ગુજરાત એટીએસ, કોસ્ટ ગાર્ડ અને એનસીબીના સંયુક્ત ઓપરેશનમાં પાકિસ્તાનથી આવેલી બોટમાંથી ડ્રગ્સનો મોટો જથ્થા સાથે છ લોકોની ધરપકડ કરવામાં આવી હતી. ઝડપાયેલા ડ્રગ્સની કિંમત આશરે રૂપિયા 480 કરોડ હતી. પોરબંદરથી અરબી સમુદ્રમાં લગભગ 350 કિમી દૂર બોટને પકડવામાં આવી હતી.

Show More

Related Articles

Leave a Reply

Your email address will not be published. Required fields are marked *

Back to top button
હાલમાં બજારમાં મળતું આ ફળ ખાવાથી મળે છે અગણિત હેલ્થ બેનેફિટ્સ… અંબાણીના પુત્રના પ્રી વેડિંગ ફંક્શનમાં રાધિકાએ પહેર્યો અનંતનો લવ લેટરની છપાઈ વાળો ગાઉન બુક પરથી બનાવવામાં આવેલી 9 Superhit Filmમાંથી તમે કેટલી જોઈ છે? આ અભિનેત્રીઓએ પણ લગ્ન માટે સ્વીકાર્યો છે મુસ્લિમ ધર્મ