તો શું હવે આ સેલિબ્રિટી કપલ ડિવોર્સ લેશે!
બોલિવૂડ સેલિબ્રિટીઝ અને ખેલ જગતના સ્ટાર્સ માટે 2024નું વર્ષ બહુ સારું નહોતું રહ્યું. અનેક સેલિબ્રિટી કપલ્સે ડિવોર્સ લીધા હતા. સ્ટાર ક્રિકેટર હાર્દિક પંડ્યા અને નતાસા સ્ટેન્કોવિક, એશા દેઓલ અને ભરત તખ્તાની, ઉર્મિલા માતોંડકર અને મોહસીન અખ્તર મીર, સાનિયા મિર્ઝા અને શોએબ મલિક જેવા અનેક સેલિબ્રિટીઓ છૂટા પડ્યા હતા. જ્યારે 2025ની સાલ શરૂ થઇ ત્યારે લોકો એવું વિચારતા હતા કે આ વર્ષે કોઇ સેલિબ્રિટી કપલ ડિવોર્સ ના લે તો સારુ, પણ હવે એવા સમાચાર આવી રહ્યા છે કે સેલિબ્રિટી કપલ કટરિના કૈફ અને વિકી કૌશલ ડિવોર્સ લેવાના છે. આપણે આ વિશે વિગતે જાણીએ.
કેટલાક મીડિયામાં એવા સમાચાર આવી રહ્યા છે કે વિકી કૌશલ અને કટરિના કૈફે એકબીજાને ઇન્સ્ટાગ્રામ પર અનફોલો કરી દીધા છે. બંને વચ્ચે ઘણા સમયથી કંઇ બરાબર નથી ચાલી રહ્યું અને બંને ટૂંક સમયમાં ડિવોર્સ લેવા જઇ રહ્યા છે.
જોકે, જ્યારે આ અહેવાલમાં ઊંડા ઉતરવાની કોશિશ કરી ત્યારે જાણવા મળ્યું કે આ માત્ર અફવા છે. કપલના ડિવોર્સના અહેવાલો તદ્દન ખોટા અને પાયાવિહોણા છે. માત્ર સસ્તી પ્રસિદ્ધિ મેળવવા ખાતર આવી અફવા ફેલાવવામાં આવી છે. હકીકત તો એ છે કે કટરિના અને વિકી બંને એકબીજાના ખૂબ પ્રેમમાં છે. તેમનું લગ્નજીવન ઘણું જ મજબૂત અને સુંદર રીતે ચાલી રહ્યું છે. આ પ્રેમીપંખીડા આજે પણ એકબીજાને સોશિયલ મીડિયા પર ફોલો કરે જ છે અને એકબીજાની મોહક તસવીરો પોસ્ટ કરે જ છે.
કપલના ફેન્સે આવા ખોટા સમાચાર ફેલાવનારાઓને ટ્રોલ કર્યા હતા. એક યુઝરે લખ્યું હતું કે ભાઇ, નેગેટિવિટી ફેલાવવા માટે બીજું ઘણું બધું છે. તમે શા માટે આ સુંદર કપલની પાછળ પડ્યા છો.
આ પણ વાંચો : એવો તે શું સવાલ પૂછાયો કે ગુસ્સામાં લાલચોળ થઈ Aishwarya Rai-Bachchan? વીડિયો થયો વાઈરલ…
અન્ય એકે લખ્યું હતું કે, સાવ ખોટી વાત છે. બંને એકબીજાને ફોલો કરે જ છે. મેં હમણાં જ ફેક્ટ ચેક કર્યું.
જોકે, આ પહેલી વાર નથી જ્યારે સેલિબ્રિટી કપલના ડિવોર્સની અફવા ફેલાઇ હોય. આ અંગે જ્યારે વિકીને પૂછવામાં આવ્યો ત્યારે તેણે આવા અહેલાવોની નિંદા કરી હતી અને જણાવ્યું હતું કે, હમારા સાથ તો જન્મો તક કા હૈ.
વર્ક ફ્રન્ટ પર જોઇએ તો હેન્ડસમ હંક વિકી કૌશલની ફિલ્મ છાવા ટૂંક સમયમાં સિનેમાઘરોમાં રજૂઆત પામશે. આ ફિલ્મમાં તેની સાથે નેશનલ ક્રશનું બિરુદ પામેલી રશ્મિકા મંદાના છે. ફિલ્મનું ટ્રેલર ઘણું જ જોરદાર હતું અને ફિલ્મ પણ ઘણી ફેન્ટાસ્ટિક લાગે છે.
