આ કોની યાદ સતાવી નેશનલ ક્રશ Rashmika Mandannaને, વીડિયો શેર કરી આપી માહિતી…
![National crush Rashmika Mandanna, shared the video and gave the information...](https://bombaysamachar.com/wp-content/uploads/2024/08/IMG_0175-780x470.jpeg)
સાઉથ ઈન્ડિયન ફિલ્મોની સુપર સ્ટાર એક્ટ્રેસ અને નેશનલ ક્રશ રશ્મિકા મંદાના (Rashmika Mandanna)ની ફેન ફોલોઈંગ એકદમ તગડી છે. સોશિયલ મીડિયા પર તેણે કરેલી પોસ્ટ મીનિટોમાં વાઈરલ થઈ જતી હોય છે. આ પોસ્ટમાં રશ્મિકાએ કોઈ ખાસ વ્યક્તિને મિસ કરી રહી હોવાનું પણ કહી રહી છે. આવો જોઈએ કોણ છે આ ખાસ વ્યક્તિ-
વાત જાણે એમ છે કે આજે રશ્મિકાએ પોતાના ઓફિશિયલ એકાઉન્ટ પર પોતાના ડોગ સાથેનો એક વીડિયો શેર કર્યો છે. આ વીડિયોમાં તે પોતાના પેટ ડોગ સાથે ખૂબ જ મસ્તી કરતી અને હેપ્પી મૂડમાં જોવા મળી રહી છે. અત્રે ઉલ્લેખનીય છે કે આજે ઈન્ટરનેશનલ ડોગ ડે છે અને અનેક સેલિબ્રિટીઓએ પોતાના પેટ સાથેનો ફોટો કે વીડિયો શેર કર્યો છે. આ વીડિયો શેર કરીને એનિમલ ફેમ એક્ટ્રેસે લખ્યું હતું કે તમે લોકો મને પૂછી રહ્યા છો કે ઓરા કેમ છે?
આ પણ વાંચો : World’s Most Expensive Car: ખરીદવા માટે Ambani-Adaniએ 10 વર્ષ સાથે કામ કરવું પડશે…
પોતાની પોસ્ટમાં આગળ રશ્મિકા મંદાનાએ જણાવ્યું હતું કે જોકે, હું એનાથી ખૂબ જ દૂર છું એટલે મને મારા ફોનની ગેલેરીમાં એને ખૂબ જ શોધવું પડ્યું હતું. મને એની ખૂબ જ યાદ આવે છે. હેપ્પી ડોગ ડે ઓરા બેબી. અત્રે ઉલ્લેખનીય છે કે રશ્મિકાના ડોગનું થોડાક સમય પહેલાં જ નિધન થયું હતું. એ સમયે પણ તેણે ઈમોશનલ પોસ્ટ શેર કરીને ફેન્સ સાથે આ ન્યુઝ શેર કર્યા હતા.
રશ્મિકા મંદાના છેલ્લે ફિલ્મ એનિમલમાં જોવા મળી હતી અને તેની આગામી ફિલ્મ પુષ્પા ટુ પણ રીલિઝ થવા તૈયાર છે. પહેલાં આ ફિલ્મ 15મી ઓગસ્ટના રીલિઝ થવાની હતી, પરંતુ કોઈ કારણસર ફિલ્મની રીલિઝને પાછળ ઠેલવામાં આવી હતી.