Los Angeles Wildfire મુદ્દે પ્રીતિ ઝિન્ટાએ કહ્યું પોતે સુરક્ષિત પણ…

મુંબઈઃ અભિનેત્રી પ્રીતિ ઝિન્ટાએ કહ્યું કે તે અને તેનો પરિવાર હાલમાં લોસ એન્જલસના જંગલમાં લાગેલી આગ વચ્ચે સુરક્ષિત છે. પ્રીતિએ કહ્યું હતું કે તેની આસપાસની તબાહી જોઈને તે દુઃખી છે. તેણે ઇન્સ્ટાગ્રામ પર એક અપડેટ શેર કર્યું અને લખ્યું: “મેં ક્યારેય વિચાર્યું નહોતું કે હું એવો દિવસ જોઇશ જ્યાં અમારી આસપાસના વિસ્તારોમાં આગ લાગશે. હાઇ એલર્ટ પર મૂકવામાં આવશે. અમારી આસપાસના વિનાશને જોઈને હું ખૂબ જ દુઃખી અને ભગવાનની આભારી છું કે હવે અમે સુરક્ષિત છીએ.

પ્રીતિએ પોતાના વિચારો અને પ્રાર્થનાઓ આ દુર્ઘટનાના અસરગ્રસ્ત લોકો સાથે હોવાનું કહ્યું અને અગ્નિશમન વિભાગ અને કર્મચારીઓની મહેનતને કારણે આગ ઝડપથી કાબૂમાં લાવે એવો વિશ્વાસ વ્યક્ત કર્યો હતો. અગાઉ ૯ જાન્યુઆરીએ અભિનેત્રી પ્રિયંકા ચોપરા જોનાસે ઇન્સ્ટાગ્રામ સ્ટોરીઝ પર એક પોસ્ટ શેર કરી હતી. આ પોસ્ટ દ્વારા અભિનેત્રીએ જંગલમાં લાગેલી આગ બાદ અસરગ્રસ્ત પરિવારોની મદદ માટે આગળ આવેલા લોકોના કામની પ્રશંસા કરી હતી.

આ પણ વાંચો: Los Angeles Fire: આગના કારણે નોરા ફતેહીને હોટલમાંથી કાઢવામાં આવી બહાર, કહ્યું- ખૂબ ડરામણું છે

પ્રીતિ ઝિન્ટાએ અગાઉ લોસ એન્જલસના પડોશમાં જંગલમાં લાગેલી આગની ક્લિપ શેર કરી હતી. લોસ એન્જલસમાં લાગેલી આગ બાદ ૯ જાન્યુઆરીએ નોરા ફતેહીએ એક વીડિયો દ્વારા ભયાનક અનુભવ વિશે વાત કરી હતી.

નોરાએ લખ્યું હતું કે હું લોસ એન્જલસમાં છું અને જંગલમાં લાગેલી આગ ગંભીર છે. મેં આના જેવું કંઈ પહેલાં ક્યારેય જોયું નથી. અમને પાંચ મિનિટ પહેલાજ નીકળી જવાનો ઓર્ડર મળ્યો. તેથી મેં મારી બધી વસ્તુઓ ઝડપથી પેક કરીને નીકળી ગઈ હતી. સાત જાન્યુઆરીના લોસ એન્જલસમાં ભીષણ આગ ફાટી નીકળી હતી, જેમાં અત્યાર સુધીમાં ૧૬ લોકોના મોત થયા છે.