ટીવીની જાણીતી અભિનેત્રીએ સહઅભિનેતા હર્ષદ અરોરા મૂક્યા ગંભીર આરોપો, જાણો મામલો?
ટીવીની જાણીતી અભિનેત્રી પ્રીતિકા રાવે તેના ‘બેઇંતેહા’ના સહ-અભિનેતા હર્ષદ અરોરા પર ગંભીર આરોપો લગાવ્યા છે, જેના પછી હવે તે સમાચારમાં છે. જાણીતી એક્ટ્રેસ પ્રીતિકાએ હર્ષદ દરેક મહિલા સાથે સૂતો હોવાનો ખુલાસો કર્યો હતો.
જાણીતા ટીવી શો ‘બેઇંતેહા’માં મુખ્ય ભૂમિકા ભજવ્યા પછી પ્રીતિકા રાવ ઘર-ઘરમાં જાણીતી બની ગઈ. પ્રીતિકાએ આ શોમાં હર્ષદ સાથે કામ કર્યું હતું. ચાહકો હજુ પણ તેમની ઓન-સ્ક્રીન કેમેસ્ટ્રીને પસંદ કરે છે અને સોશિયલ મીડિયા પર તેમની પ્રશંસા કરે છે. જોકે, પ્રીતિકાને આ બધું બિલકુલ ગમતું નથી.
તાજેતરમાં જ્યારે એક ચાહકે ‘બેઇંતેહા’ના પ્રીતિકા અને હર્ષદની રોમેન્ટિક ક્લિપ શેર કરી ત્યારે અભિનેત્રી તેના પર ગુસ્સે થઈ ગઈ. તેણે એવો પણ દાવો કર્યો હતો કે હર્ષદ ઇન્ડસ્ટ્રીમાં મળેલી દરેક સ્ત્રી સાથે સૂવે છે. આ આરોપ બાદ સોશિયલ મીડિયા પર યુઝર્સમાં ખળભળાટ મચી ગયો છે.
આ વિવાદ ત્યારે શરૂ થયો જ્યારે એક ફેન પેજે તેમના સોશિયલ મીડિયા હેન્ડલ પર ‘બેઇંતેહા’ના પ્રીતિકા રાવ અને હર્ષદ અરોરાની રોમેન્ટિક ઓન-સ્ક્રીન ક્લિપ શેર કરી. ત્યાર બાદ, પ્રીતિકાએ શોની આ ક્લિપ્સ તેની ઇચ્છા વિરુદ્ધ પોસ્ટ કરવા બદલ ફેન પેજની ટીકા કરી.
તેમણે ચાહકને આ ક્લિપ્સ વારંવાર પોસ્ટ ન કરવા પણ વિનંતી કરી કારણ કે તે સ્ક્રિપ્ટનો ભાગ હતી. આ પછી પ્રીતિકાએ હર્ષદ પર દરેક મહિલા સાથે સૂવાનો આરોપ લગાવ્યો. પ્રીતિકા રાવે લખ્યું હતું કે ‘આ વીડિયો તમારા પેજ પર પોસ્ટ કરશો નહીં, મેં તમને વારંવાર વિનંતી કરી છે કે મારો વીડિયો એવા પુરુષ સાથે પોસ્ટ ન કરો જે ઇન્ડસ્ટ્રીમાં મળેલી દરેક સ્ત્રી સાથે સૂવે છે!’
અભિનેત્રીએ આગળ લખ્યું હતું કે ‘મહેરબાની કરીને ધ્યાન આપો…તમે મારી ઇચ્છા વિરુદ્ધ કંઈક કરી રહ્યા છો!’ કર્મ તમારું છે! તેનો સામનો કરવો પડશે! તું મારી ઈચ્છા વિરુદ્ધ આ બધું કરી રહ્યો છે! તને શરમ આવવી જોઈએ, યાદ રાખજે મેં શું કહ્યું હતું.’
બોલીવુડની અભિનેત્રી અમૃતા રાવને કોઈ પરિચયની જરૂર નથી. તે સુપરહિટ ફિલ્મ ‘વિવાહ’ સહિત ઘણી ફિલ્મોમાં જોવા મળી છે. તેવી જ રીતે અમૃતાની બહેન પ્રીતિકા રાવ પણ એક જાણીતું નામ છે. તેણે 2010 માં આવેલી તમિલ ફિલ્મ ચિક્કુ બુક્કુથી ડેબ્યૂ કર્યું હતું. તેને દક્ષિણમાંથી નહીં પરંતુ ટીવી જગતની સીરિયલ ‘બેઇંતેહા’થી જબરદસ્ત નામ અને ખ્યાતિ મળી. તે ‘લવ કા હૈ ઇન્તેઝાર’ અને ‘લાલ ઇશ્ક’ જેવી સિરિયલોમાં પણ જોવા મળી છે.
આપણ વાંચો : જન્નત ઝુબેરે વધુ એક ગ્લેમરસ ફોટોશૂટ કરાવીને સોશિયલ મીડિયામાં છવાઈ ગઈ