Bollywoodમાં વડા પ્રધાન નરેન્દ્ર મોદી (Narendra Modi)ના ચાહકોનો તોટો નથી અને મોદી પણ સિતારાઓને મળતા રહેતા હોય છે. ઘણા સિતારાઓએ તેમના પ્રત્યેનો અહોભાવ વારંવાર જાહેરમાં વ્યક્ત કર્યો છે ત્યારે હવે એક અભિનેત્રીએ તેમને પત્ર લખી તેમનો આભાર માન્યો છે.
આ અભિનેત્રી એટલે ફિટનેસ આઈકન શિલ્પા શેટ્ટી. શિલ્પા શેટ્ટીએ વડા પ્રધાનને એક પત્ર લખ્યો છે અને રામ મંદિર બનાવવા બદલ તેમનો આભાર માન્યો છે. આ સાથે તેણે લખ્યું છે કે ઘણા લોકો ઈતિહાસ વાંચે છે, ઘણા તેમાંથી શિખે છે, પણ તમારા જેવા લોકો ઈતિહાસ બદલી નાખે છે. તેનો આ પત્ર મહારાષ્ટ્ર ભાજપના ટ્વીટર હેન્ડલ પર શેર કરવામાં આવ્યો છે.
#धन्यवाद_मोदीजी
— भाजपा महाराष्ट्र (@BJP4Maharashtra) February 12, 2024
सुप्रसिध्द अभिनेत्री @TheShilpaShetty जी यांनी नुकताच पंतप्रधान नरेंद्र मोदीजींना पत्र लिहून त्यांचे आभार मानले.
५ शतकांपासून श्रीरामांना वनवास घडत होता. अखेर तो वनवास संपला. तेही मोदीजींच्या प्रयत्नांमुळे.. यासाठीच शिल्पाजींनी पंतप्रधानांचे आभार मानले आहेत.… pic.twitter.com/LTqpjGolLK
22મી જાન્યુઆરીએ વડા પ્રધાને રામ મંદિરની પ્રાણ પ્રતિષ્ઠા કરી હતી. આ સમારોહમાં ઘણા બોલીવૂડ સિતારાને આમંત્રણ આપવામાં આવ્યું હતું. અયોધ્યામાં રામ મંદિર બન્યા બાદ અહીં શ્રદ્ધાળુઓનો પ્રવાહ અવિરત આવ્યા કરે છે. તાજેતરમાં અમિતાભ બચ્ચને પણ ફરી રામલલ્લાના દર્શન કરતો ફોટો શેર કર્યો હતો.
