WPL ઓક્શનમાં પણ ચર્ચા તો નીતા અંબાણીની ‘Hermès Kelly’ બેગની જ, તમે પણ ના જોઈ હોય તો જોઈ લો…
અંબાણી પરિવારના લેડી બોસ નીતા અંબાણી પોતાની લેટેસ્ટ સ્ટાઈલ અને ફેશનથી લોકોને ચોંકાવી દે છે. 60 વર્ષે પોતાની સુંદરતાથી નીતા અંબાણી બોલીવૂડ એક્ટ્રેસને મ્હાત આપે છે અને ફરી એક વખત વુમેન્સ પ્રીમિયર લિગના ઓક્શનમાં નીતા અંબાણીનો એક અલગ અંદાજ જોવા મળ્યો હતો. જેના ફોટો અને વીડિયો સોશિયલ મીડિયા પર વાઈરલ થઈ રહ્યા છે. પરંતુ સૌથી વધારે ચર્ચા નીતા અંબાણીના હેન્ડ બેગની થઈ રહી છે. આવો જોઈએ શું છે ખાસ નીતા અંબાણીની આ હેન્ડ બેગમાં…
નીતા અંબાણી વુમેન્સ પ્રીમિયર લીગ ઓક્શનમાં સ્ટાઈલિશ પેન્ટ-શર્ટમાં જોવા મળ્યા હતા. આ સમયે તેમણે વ્હાઈટ-બ્લેક સ્ટ્રાઈપ્સવાળું શર્ટ અને ડાર્ક પેન્ટ પહેર્યું હતું. સોશિયલ મીડિયા પર નીતા અંબાણીનો આ લૂક વાઈરલ થઈ રહ્યો છે. જોકે, સૌથી વધુ ચર્ચામાં તેમની હર્મ્સ કેલીની લક્ઝુરિયસ હેન્ડ બેગ આવી હતી.
નીતા અંબાણીએ આ લક્ઝરી બ્રાન્ડની બેગને કસ્ટમાઈઝ કરાવી હતી અને એના પર ડાયમંડથી પોતાના પૌત્ર-પૌત્રી અને દોહિત્ર-દોહિત્રીના નામના ફર્સ્ટ ઈનિશિયલ બનાવડાવ્યા હતા. નીતા અંબાણીની બેગ પર અંગ્રેજી આલ્ફાબેટ એ, કે, વી અને પીના ચાર્મ્સ લગાવવામાં આવ્યા હતા. ખાસ વાત તો એ છે કે આ ડાયમંડ્સના ચાર્મ શ્લોકા મહેતાની કઝિન બહેન આશના મહેતાએ ડિઝાઈન કર્યા હતા.
આશનાએ પોતાના ઈન્સ્ટાગ્રામ એકાઉન્ટ પર આદિયા, કૃષ્ણા, વેદા અને પૃથ્વીના નામના ઈનિશિયલ ચાર્મ્સના ફોટો શેર કરીને ખાસ ઈન્ફોર્મેશન શેર કરી હતી. આશનાએ પોતાની પોસ્ટમાં લખ્યું છે કે મને આ ખાસ ક્રિયેટિવિટી દેખાડવા ખુશી થઈ રહી છે. એકેવીપી લેટર્સવાળો એક કસ્ટમ બેગ ચાર્મ સેટ. આ ચાર્મ રેર બ્રાઝિલિયન પૈરાઈબા ટૂમલાઈન અને રિયલ ડાયમંડ્સથી બનાવાવમાં આવ્યા છે. આ ડાયમંડ્સ 18 કેરેટ ગોલ્ડમાં જડવામાં આવ્યા છે.
અત્રે ઉલ્લેખનીય છે કે નીતા અંબાણીના હાથમાં જોવા મળેલી આ બેગની સોશિયલ મીડિયા પર જોરશોરથી ચર્ચા થઈ રહી છે. અહીંયા તમારી જાણ માટે કે નીતા અંબાણીએ આવું પહેલી વખત નથી કર્યું. આ પહેલાં અનંત અંબાણીના લગ્ન સમયે પણ તેમણે પોતાના પરિવારના નજીકની વ્યક્તિના નામ બ્લાઉઝની બેક સાઈડ પર લખાવ્યા હતા અને એની પણ ખાસ્સી એવી ચર્ચા થઈ હતી.
અત્રે ઉલ્લેખનીય છે કે હાલમાં અંબાણી પરિવારે ગુજરાતના ગિર ખાતે મંદિરમાં પ્રાણ પ્રતિષ્ઠા મહોત્સવની ઉજવણી કરી હતી. આ ફંક્શનમાં બોલીવૂડ સેલેબ્સ સહિત અમેરિકાના પ્રેસિડેન્ટ ડોનાલ્ડ ટ્રમ્પના દીકરા જુનિયર ટ્રમ્પે પણ તેમની લેડી લવ સાથે હાજરી આપી હતી. જેના વીડિયો અને ફોચો સોશિયલ મીડિયા પર વાઈરલ થયા હતા.
આ પણ વાંચો…કપાળ પર લાલ ચાંદલો, સેંથામાં લાલ સિંદૂર, અંબાડોમાં ગજરો નીતા અંબાણીનો આ લૂક જોશો તો…
