અંબાણી પરિવારના લેડી બોસ નીતા અંબાણી પોતાની લક્ઝુરિયસ લાઈફસ્ટાઈલ અને સુંદરતાને કારણે ચર્ચામાં આવતા રહે છે. હાલમાં જ ઈન્ડસ્ટ્રીના જાણીતા ફેશન ડિઝાઈનર મનિષ મલ્હોત્રાની દિવાળી પાર્ટીમાં નીતા અંબાણીએ પોતાના લૂકથી લાઈમલાઈટ લૂંટી હતી. જોકે, આ સમયે તેમના લૂક કરતાં સૌથી વધુ ચર્ચા તો તેમના હાથમાં જોવા મળેલી ટચુકડી પર્સની અને તેની કિંમતની થઈ રહી છે. આ બેગની કિંમત 17 કરોડ રૂપિયા હોવાનું કહેવાઈ રહ્યું છે, ત્યારે ચાલો જાણીએ આખરે એવું તે શું ખાસ છે આ બેગમાં…
નીતા અંબાણીએ દિવાળી પાર્ટીમાં મનિષ મલ્હોત્રાએ જ ડિઝાઈન કરેલી સિક્વન્સવાળી સાડી પહેરી હતી. આ સાડી સાથે પન્નાના મોટા મોટા ઈયરરિંગ્સ અને મેચિંગ હેન્ડ પર્સ કેરી કરી હતી. આ પર્સની વાત કરીએ તો તે જાણીતી લક્ઝુરિયસ બ્રાન્ડ બિર્કીનનું નવું વર્ઝન છે. આ એક ખૂબ જ કિંમતી અને લિમિટેડ એડિશન મિની બેગ હતી. મળતી માહિતી અનુસાર આ બેગના ત્રણ જ પીસ બનાવવામાં આવ્યા હતા.
આ પણ વાંચો: 60 વર્ષે નીતા અંબાણીએ મ્હાત આપી રૂપિયા 830 કરોડની માલકિનને, અંબાણી પરિવાર સાથે છે ખાસ સંબંધ…
વાત કરીએ આ બેગની ખાસિયત અને કિંમત વિશે તો તે 2012માં ડિઝાઈન કરવામાં આવી હતી અને તેની કિંમત 2 મિલિયન ડોલર એટલે કે આશરે આજના 17,13,24,200 કરોડ રૂપિયા જેટલી થાય છે. આ બેગને બનાવવા માટે 18 કેરેટ વ્હાઈટ ગોલ્ડ અને 3,025 ડાયમંડ્સનો ઉપયોગ કરવામાં આવ્યો છે, જેને કારણે તેની કિંમત આટલી વધારે છે. આ એક સ્ટેટમેન્ટ પીસ છે.
પર્સની ડિઝાઈન વિશે વાત કરીએ તો આ બેગનો ટોપ ફ્લેપ મગરમચ્છની ચામડી જેવો બનાવવામાં આવ્યો છે જ્યારે તેની બોડી, ટોપ હેન્ડલ્સ, કેડેના લોક અને ક્લોઝેટને ડાયમંડ્સથી ડેકોરેટ કરવામાં આવ્યું હતું.
ભાઈસાબ આ તો નીતા અંબાણી છે એટલે એમની તો કંઈ વાત થાય? અંબાણી પરિવારના લેડી બોસ છે એટલે એમના ઠાઠ તો ન્યારા જ હોવાના ને? હાલમાં સોશિયલ મીડિયા પર આ ટચૂકડી બેગ તેની કિંમતને કારણે ટોક ઓફ ધ ટાઉન બની ગઈ છે. તમે પણ આ બેગ ના જોઈ હોય તો અત્યારે જ જોઈ લો…
