‘લાપતા લેડીઝ’ ઓસ્કારની રેસમાંથી બહાર થયા પછી જાણો પંદર દેશની કઈ ફિલ્મો છે?
તાજેતરમાં એકેડેમી એવોર્ડ્સે ટોપ ૧૫ ઇન્ટરનેશનલ ફીચર ફિલ્મોની યાદી બહાર પાડી. કિરણ રાવની ‘લાપતા લેડીઝ’ ઓસ્કારની રેસમાંથી બહાર થઈ ગઈ છે. આ સમાચારે માત્ર ફિલ્મના કલાકારો, કિરણ રાવ કે આમિર ખાનને જ નિરાશ નથી કર્યા, પરંતુ આ સમાચાર સમગ્ર દેશ માટે નિરાશાજનક છે. કારણ કે, સમગ્ર બોલિવૂડ અને દેશને ‘લાપતા લેડીઝ’ પાસેથી ઘણી બધી અપેક્ષાઓ રાખી હતી. જોકે, બે ભારતીય ફિલ્મો હજુ પણ ઓસ્કારની રેસમાં છે. તો ચાલો જાણીએ એવી ફિલ્મો વિશે જેણે ઓસ્કાર ૨૦૨૫ની ટોપ પંદરમાં પોતાનું સ્થાન નિશ્ચિત કર્યું છે.
યુકેની શોર્ટલિસ્ટ થયેલી ફિલ્મ ‘સંતોષ’ એ ઓસ્કારની ઈન્ટરનેશનલ ફીચર ફિલ્મ કેટેગરીમાં ટોપ ૧૫માં સ્થાન મેળવ્યું છે. ફિલ્મની વાર્તા ભારતીય છે, પરંતુ આ ફિલ્મો ભારતનું નહીં પણ બ્રિટનનું પ્રતિનિધિત્વ કરે છે. બ્રિટિશ-ભારતીય નિર્માતા સંધ્યા સૂરીની આ ફિલ્મ સિવાય ભારતીય યુવતી પર આધારિત અન્ય એક ફિલ્મે આ શ્રેણીમાં પોતાનું સ્થાન બનાવ્યું છે. આ ફિલ્મનું નામ ‘અનુજા’ છે, જેને એકેડમી એવોર્ડની ઈન્ટરનેશનલ ફીચર ફિલ્મ કેટેગરી માટે શોર્ટલિસ્ટ કરવામાં આવી છે.
આ બે ફિલ્મો ઉપરાંત, જે ફિલ્મોએ એકેડેમી એવોર્ડ્સની ઇન્ટરનેશનલ ફીચર ફિલ્મ કેટેગરીમાં સ્થાન મેળવ્યું છે તેમાં નેટફ્લિક્સની ફ્રેન્ચ ફિલ્મ ‘એમિલિયા પેરેઝ’નો પણ સમાવેશ થાય છે, જેને 6 કેટેગરીમાં નોમિનેશન મળ્યું છે.
આ પણ વાંચો : Laapata Ladies’ ઓસ્કારની રેસમાંથી બહાર થતા હંસલ મહેતાએ FFIને ફટકાર લગાવી, X યુઝર્સે પણ નારાજગી વ્યક્ત કરી
આ સિવાય જે ફિલ્મોએ આ લિસ્ટમાં સ્થાન મેળવ્યું છે તેમાં બ્રાઝિલની ‘આઈ એમ સ્ટિલ હીયર’, કેનેડાની ‘યુનિવર્સલ લેંગ્વેજ’, ડેનમાર્કની ‘ધ ગર્લ વિથ ધ નીડલ’, ચેક રિપબ્લિકની ‘વેવ્સ’, જર્મનીની ‘ધ સીડ ઓફ ધ સેક્રેડ ફિગ ‘, આઈસલેન્ડની ‘ટચ’, આયર્લેન્ડની ‘ની કેપ’, ઈટલીની ‘વર્મિગ્લિયો’ અને લતાવિયાની ‘ફ્લો’ જેવી ફિલ્મોએ એકેડેમી એવોર્ડ્સની વિદેશી ફિલ્મ શ્રેણીમાં સ્થાન મેળવ્યું છે.
આ ફિલ્મો સિવાય થાઈલેન્ડની ‘હાઉ ટુ મેક મિલિયન બિફોર ગ્રાન્ડમા ડાઈઝ’, નોર્વેની ‘આર્મન્ડ’, પેલેસ્ટાઈનની ફિલ્મ ‘ફ્રોમ ગ્રાઉન્ડ ઝીરો’ અને સેનેગલની ‘દહેમે’એ પણ એકેડેમી દ્વારા જાહેર કરાયેલી યાદીમાં પોતાનું સ્થાન બનાવ્યું છે.
તમને જણાવી દઈએ કે અમેરિકામાં આયોજિત ૯૭માં એકેડેમી એવોર્ડ્સ એટલે કે ઓસ્કાર ૨૦૨૫માં ઈન્ટરનેશનલ ફીચર ફિલ્મ કેટેગરીમાં લગભગ ૯૫ વિવિધ ભાષામાં બનેલી ફિલ્મોમાંથી જ્યુરીએ માત્ર ૧૫ ફિલ્મોને શોર્ટલિસ્ટ કરવાની હતી.