દિગ્ગજ અભિનેત્રી જયા બચ્ચન અને પેપ્ઝની તૂ-તૂ મૈં મૈં કંઈ ખાસ નવી નથી. અવારનવાર સોશિયલ મીડિયા પર જયા બચ્ચન પેપ્ઝ પર ગુસ્સો કરતો વીડિયો વીડિયો વાઈરલ થઈ રહ્યો છે. આ વખતે તો જયા બચ્ચને પેપ્ઝની ભૂમિકા અને પ્રોફેશન પર શંકા વ્યક્ત કરાવી હતી.
આ કાર્યક્રમમાં તેમણે પ્રશિક્ષિત પત્રકારો પ્રત્યે માન-સન્માન અને ફેમસ પર્સનાલિટીની ઈવેન્ટમાં પેપ્ઝને લઈને પોતે અસહજ થઈ જાય છે એ વિશે પણ વાત કરતાં જોવા મળ્યા હતા. આવો જાણીએ આખી સ્ટોરી…
આપણ વાચો: 54 વર્ષની ઉંમરે એક્ટ્રેસનો મોર્ડન લુક જોઈને જયા બચ્ચને ઊભા થઈને પાડી તાળીઓ…
સોશિયલ મીડિયા પર વાઈરલ થઈ રહેલાં વીડિયોમાં જયા બચ્ચન એક ઈવેન્ટમાં પેપ્ઝને લઈને પોતાના વિચારો વ્યક્ત કરી રહ્યા છે. જયા બચ્ચને જણાવ્યું હતું કે હું મીડિયાની ઉપજ છું પરંતુ પેપ્ઝ સાથે મારો કોઈ સંબંધ નથી.
આ લોકો કોણ છે? શું તેમને આ દેશના લોકોનું પ્રતિનિધિત્વ કરવા માટે પ્રશિક્ષિત કરવામાં આવે છે. તમને આને મીડિયા કહો છો? હું મીડિયાથી આવું છું. મારા પિતા એક પત્રકાર હતા અને આવા લોકો માટે મારા મનમાં ખૂબ જ સન્માન છે.
એક્ટ્રેસે કેટલાક પેપ્ઝના આઉટફિટ અને તેમના વ્યવહાર સામે પણ સવાલ ઉપસ્થિત કર્યા હતા. જયા બચ્ચને જણાવ્યું હતું કે બહાર આ લોકો ટાઈટ, ગંદા કપડા અને હાથમાં મોબાઈલ પકડીને ઈભા હોય છે. તેમને લાગે છે કે તેમની પાસે મોબાઈલ છે એટલે તેઓ તમારા ફોટો ક્લિક કરી શકે છે અને જે ઈચ્છે એ કરી શકે છે. જયાજીએ પેપ્ઝ તરીકે કામ કરનારા લોકોના શિક્ષણ પર પણ સવાલો ઉઠાવ્યા હતા. આ લોકો ક્યાંથી આવે છે, કયા પ્રકારનું તેમનું શિક્ષણ છે, શું બેકગ્રાઉન્ડ છે?
આટલું ઓછું હોય તે આ જ ઈવેન્ટનો એક બીજો વીડિયો પણ સામે આવી રહ્યો છે જેમાં તેમણે પેપ્ઝ સામે પોઝ આપવાનો ઈનકાર કર્યો હતો, એટલું જ નહીં જયાજીએ આ ઈવેન્ટમાં રેડ કાર્પેટ પર આવવાની પણ ના પાડી દીધી હતી.
આપણ વાચો: અમિતાભ બચ્ચનનું આ સુપરહિટ ગીત જોઈને અધવચ્ચેથી જ જતાં રહ્યા જયા બચ્ચન, અને પછી…
વર્ક ફ્રન્ટની વાત કરીએ તો જયા બચ્ચન લાંબા સમયથી ફિલ્મોથી દૂર છે. બે વર્ષ પહેલાં એટલે કે 2023માં તેઓ રણવીર સિંહ અને આલિયા ભટ્ટ સ્ટારર ફિલ્મ રોકી ઔર રાની કી લવ સ્ટોરીમાં ગ્રે શેડમાં જોવા મળ્યા હતા. દર્શકોએ તેમને આ રોલમાં ખૂબ જ પસંદ પણ કર્યા હતા.
