બેડરૂમમાં છોકરા સાથે પકડાઇ જાન્હવી કપૂર પછી….
બોલિવૂડ અભિનેત્રી જાન્હવી કપૂર બાળપણથી જ ઘણી તોફાની, નટખટ રહી છે. એ ક્યારેક ક્યારેક તેની શરારતો વિશે જાહેરમાં કહેતી હોય છે. હાલમાં જ તેણે જણાવ્યું હતું કે તે એકવાર તેના બેડરૂમમાં એક છોકરાને લઇ ગઇ હતી અને પપ્પા બોની કપૂર તેને જોઇ ગયા હતા.
જાન્હવીને ખતરો કે ખિલાડી કહીએ તો એમાં અતિશયોક્તિ નહીં હોય. જાન્હવીએ એક વાર એક છોકરાને તેની બેડરૂમની બારીમાંથી નીચે કૂદવાનું કહ્યું હતું અને પેલો છોકરો પણ એની વાત માનીને કૂદી ગયો હતો. જોકે, તે સમયે એ પહેલે માળે રહેતી હતી. હાલમાં જાન્હવી તેની ફિલ્મ મિસ્ટર એન્ડ મિસિસ માહીના પ્રમોશનમાં વ્યસ્ત છે. આ દરમિયાન એક ઇન્ટરવ્યુમાં તેણે આ ઘટના વિશે વાત કરી હતી.
જાન્હવીએ જણાવ્યું હતું કે તે એક છોકરાને તેના બેડરૂમમાં લઇ ગઇ હતી. તે આગળના દરવાજેથી બહાર જાય તો ઘરમાં મોટી રામાયણ થાય એમ હતું. તે નહોતી ઇચ્છતી કે તે છોકરો આગળના દરવાજેથી બહાર જાય. તેથી તેણે તેને નીચે કૂદી જવાનું કહ્યું. નીચે તેની લેક્સસ કાર ઊભી હતી. તેણે છોકરાને કારમાં કૂદી જવા અને ત્યાંથી ભાગી જવા કહ્યું અને પેલો છોકરો પણ નીચે કૂદી ગયો. કારમાં તેનો ડ્રાઇવર પણ હતો. આ ઉપરાંત તેના પપ્પા બોની કપૂરે પણ સીસીટીવીમાં દીકરીના બધા કરતૂતો જોઇ લીધા હતા.
ત્યાર બાદ બોની કપૂરે જાન્હવીને તતડાવી નાખી હતી અને તાબડતોબ તેના રૂમની વિન્ડો પર ગ્રીલ લગાવડાવી દીધી હતી. જોકે, જાન્હવી કપૂરે આ છોકરો કોણ હતો એનું નામ નથી આપ્યું, પણ તેણે એટલું તો જરૂર કહ્યું હતું કે તેના પપ્પા બોની કપૂર પણ ભૂતકાળમાં આવી હરકતો કરી ચૂક્યા છે. બોની કપૂર જાન્હવીની મમ્મી શ્રીદેવીને ઇમ્પ્રેસ કરવા માટે એક વાર હોટેલની વિન્ડોની બહાર કૂદી ગયા હતા.
આ પણ વાંચો…રશ્મિકા મંદાનાએ પાર્ટનર કોને કહ્યું? આ કરોડપતિ એક્ટરને કે પછી…
થોડા સમય પહેલા જાન્હવીની ફિલ્મ ‘દેવરા’ રિલીઝ થઇ હતી, જેમાં તેના અભિનયની સાથે સાથે તેના ડાન્સને પણ ઘણો પસંદ કરવામાં આવ્યો હતો. હાલમાં તે તેની ફિલ્મ ‘પરમસુંદરી’ના શૂટિંગમાં વ્યસ્ત છે. આ ફિલ્મમાં તેણે સિદ્ધાર્થ મલ્હોત્રા સાથે જોડી બનાવી છે. હાલમાં તે તેની ફિલ્મ ‘મિસ્ટર એન્ડ મિસિસ માહી’ના પ્રમોશનમાં બિઝી છે. આ ફિલ્મમાં તેની સાથે રાજકુમાર રાવની જોડી છે. જાન્હવી કપૂર એક સફળ એક્ટ્રેસ છે.