ખરાબ સમય પણ પસાર થઇ જશે… બ્રેસ્ટ કેન્સર અપડેટ પછી હિના ખાનની પહેલી પોસ્ટ
મુંબઇઃ અભિનેત્રી હિના ખાન હાલમાં ત્રીજા સ્ટેજના બ્રેસ્ટ કેન્સર સામે લડી રહી છે. અભિનેત્રીએ પોસ્ટ શેર કરીને ચાહકોને આ વિશે જાણકારી આપી હતી. હિનાએ ખુલાસો કર્યો કે તેની મુંબઈની કોકિલાબેન હોસ્પિટલમાં સારવાર ચાલી રહી છે અને તે સારી રીતે ચાલી રહી છે. તેણી મજબૂત રીતે પાછી આવશે. આ સાથે તેણે ચાહકોને તેના માટે પ્રાર્થના કરવાનું પણ કહ્યું હતું. હિનાની આ પોસ્ટ બાદ સ્ટાર્સ અને ફેન્સે તેમનું સમર્થન દર્શાવ્યું હતું. હવે અભિનેત્રીએ ફરી એક પોસ્ટ શેર કરી છે.
હિનાએ પોતાની ઈન્સ્ટાગ્રામ સ્ટોરીમાં લખ્યું- આ ખરાબ સમય પણ પસાર થઈ જશે. આ સાથે તેણે સ્માઈલી પણ બનાવી છે. આ સ્ટોરી સાથે હિનાએ રણબીર કપૂરની ફિલ્મ સંજુનું ગીત ‘હર મેદાન ફતેહ’ પોસ્ટ કર્યું છે. ચાહકો આ પોસ્ટને લાઈક કરી રહ્યા છે અને પોતાની પ્રતિક્રિયા આપી રહ્યા છે. હિનાની આ પોસ્ટ પરથી લાગે છે કે તે ચાહકોના પ્રેમ અને સમર્થન માટે આભાર માનવા માંગે છે.
આ પહેલા હિનાએ ઈન્સ્ટાગ્રામ પોસ્ટ દ્વારા ફેન્સને કેન્સર વિશે જાણકારી આપી હતી. પોસ્ટમાં લખ્યું હતું કે, “બધાને નમસ્કાર. હું તમામ હિનાહોલિકોને અને તે તમામ લોકોને કહેવા માંગુ છું જેઓ મને પ્રેમ કરે છે અને તાજેતરમાં ઉડી રહેલી અફવાઓ વિશે ધ્યાન રાખે છે. હું સ્તન કેન્સરના ત્રીજા તબક્કામાં છું. આ ગંભીર બીમારી સામે લડ્યા પછી પણ, હું તમને ખાતરી આપું છું કે હું પહેલા કરતા વધુ સારી છું.”
આ પણ વાંચો : શું થયું છે શત્રુઘ્ન સિંહાને કે હૉસ્પિટલમાં છે દાખલ…
હિના ખાને ટીવી શો ‘યે રિશ્તા ક્યા કહેલાતા હૈ’માં અક્ષરાનું પાત્ર ભજવ્યું હતું. આ શોથી જ તે દરેક ઘરમાં અક્ષરા તરીકે જાણીતી બની ગઈ હતી. આ સિવાય તેણે શાહીર શેખ સાથે કેટલાક મ્યુઝિકલ આલ્બમ્સ પણ કર્યા છે. આ સિવાય તે પોતાના બોયફ્રેન્ડ રોકીને સપોર્ટ કરવા બિગ બોસ સીઝન 11માં પણ આવી હતી.
