ગર્લફ્રેન્ડ સાથે રોમાન્ટિક થયો રિતિક, આપી આવી રીતે શુભેચ્છા….
ગર્લફ્રેન્ડ સાથે રોમાન્ટિક થયો રિતિક, આપી આવી રીતે શુભેચ્છા….
બોલિવૂડમાં ગ્રીક ગોડ તરીકે જાણીતા રિતિક રોશનની ગર્લફ્રેન્ડ અને અભિનેત્રી સબા આઝાદે પહેલી નવેમ્બરે તેનો 39મો જન્મદિવસ ઉજવ્યો. આ સમયે રિતિક રોશને સબા સાથેના પોતાના કેટલાક અનસીન ફોટા શેર કર્યા હતા અને તેની લેડી લવને જન્મદિવસની શુભેચ્છા પાઠવી હતી. રિતિકે લખ્યું છે, હેપ્પી બર્થ ડે સા….. તેણે હાર્ટ ઇમોજી બનાવીને ગર્લફ્રેન્ડ પર પ્રેમ વરસાવ્યો છે.
રિતિકની પૂર્વ પત્ની સુઝેન પણ સબાને પસંદ કરે છે અને સબા પણ સુઝેન ખાનને પસંદ કરે છે. બંને સાથે બહાર જતા પણ જોવા મળે છે. કોઈની ભૂતપૂર્વ પત્ની અને વર્તમાન ગર્લફ્રેન્ડ વચ્ચે આવો પ્રેમભર્યો સંબંધ હોય એવું ભાગ્યે જ બને છે. સુઝેન ખાને પણ સબાના ફોટાઓ પર પ્રતિક્રિયા આપી છે. તેણે શુભેચ્છા આપતા લખ્યું છે કે, હેપ્પી બર્થ ડે સાબુ. રિતિકની આ પોસ્ટ પર બોલિવૂડ ડિરેક્ટર ઝોયા અખ્તરે પણ કમેન્ટ કરી છે. ઝોયાએ હેપ્પી બર્થ ડે સબા લખ્યું હતું. ઝોયાના ભાઈ ફરહાન અખ્તરે પણ સબાને જન્મદિવસની શુભેચ્છા પાઠવી છે.
પોસ્ટ કરેલી તસવીરોમાં રિતિક તેની ગર્લફ્રેન્ડ સાથે મસ્તી,રોમાન્સ કરતા ચીલ મોડમાં જોવા મળી રહ્યો છે. કોઇક ફોટામાં તે સબાના પ્રેમમાં ખોવાયેલો તો કોઇક ફોટોમાં સબા પ્રેમથી રિતિક સામે જોતી જોવા મળે છે. ક્યારેક બંને હાથ પકડેલા જોવા મળે છે તો ક્યારેક ખાતા, પીતા, સેલ્ફી લેતા, કેમેરા માટે પોઝ આપતા જોવા મળે છે. રિતિકે સબાનો લીલા રંગનો કોટ પહેરેલો એક ફોટો પણ શેર કર્યો છો, જેમાં તે તડકામાં પોઝ આપી રહી છે. ફોટોમાં બંને એકબીજા સાથે વેકેશન એન્જોય કરતા જોવા મળી રહ્યા છે. એક ફોટોમાં સબા અને રિતિક આઇસક્રીમની મજા માણતા જોવા મળે છે, તો એક ફોટોમાં સબા રિતિકને ગળે લગાવતી જોવા મળે છે. રિતિક અને સબા ખૂબ જ ખુશ દેખાઇ રહ્યા છે. બંનેની સિઝલિંગ કેમિસ્ટ્રી જોઇને ફેન્સ પણ એકદમ ખુશ થઇ ગયા છે.
