Millionare Rumerd Boyfriend સાથે પાર્ટીમાં શું કરતી જોવા મળી આ બોલીવૂડ એક્ટ્રેસ, વીડિયો થયો વાઈરલ…
બોલીવૂડ એક્ટ્રેસ કૃતિ સેનન છેલ્લાં કેટલાય સમયથી પોતાની પર્સનલ લાઈફને કારણે ચર્ચામાં છે. ઈન્ડસ્ટ્રીમાં એવી ચર્ચા ચાલી રહી છે કે ક્રિતી સેનન યુકે બેસ્ડ બિઝનેસમેન કબીર બહિયાને ડેટ કરી રહી છે અને આ ચર્ચા એ સમયે ચાલુ થઈ જ્યારે બંને જણ ગ્રીસમાં વેકેશન મનાવતા જોવા મળ્યા હતા. સોશિયલ મીડિયા પર વાઈરલ થયેલાં આ વેકેશનના ફોટોમાં બંને જણ એકબીજા સાથે ખૂબ જ એન્જોય કરતાં જોવા મળી રહ્યા છે. હાલમાં જ પાછા બંને જણ એક પાર્ટીમાં સાથે ચિલ કરતાં જોવા મળ્યા છે અને ત્યારથી બંને વચ્ચે કંઈક ચાલી રહ્યું હોવાની અટકળો એકદમ તેજ બની ગઈ છે. ટીવી એક્ટ્રેસ કરિશ્મા તન્નાએ ગ્રીસની પાર્ટીનો વીડિયો શેર કરીને અફવાઓનું બજાર ફરી ગરમ કરી દીધું છે અને આ વીડિયોમાં ક્રિતી અને કબીર બંને ગોસિપ કરતાં જોવા મળી રહ્યા છે.
કરિશ્મા તન્ના પોતાના પતિ વરુણ બંગેરા સાથે ગ્રીસમાં વેકેશન પર હતી અને તેણે પોતાના ઈન્સ્ટાગ્રામ એકાઉન્ટ પર એક પોશ રિસોર્ટમાં થઈ રહેલી પ્રાઈવેટ પાર્ટીનો વીડિયો શોર કર્યો છે. આ વીડિયોમાં ક્રિતી પોતાના મિલિયોનેર રૂમર્ડ બોયફ્રેન્ડ કબીર બહિયા એક સાથે મસ્તી જોવા મળી રહ્યા છે. ક્રિતી સેનન અને કબીર વહિયાનો આ વીડિયો સોશિયલ મીડિયા પર વાઈરલ થઈ રહ્યો છે. એક વીડિયોમાં ક્રિતી કબીરની બાહોંમાં જોવા મળી રહી છે તો બીજા વીડિયોમાં તે કબીરના કાનમાં કંઈક કહેતી જોવા મળી રહી છે.
આ સિવાય થોડાક સમય પહેલાં કબીરે ઈન્સ્ટાગ્રામ પર એક સેલ્ફી શેર કરી હતી અને એના પર લાઈક કરીને ક્રિતીએ બધાનું ધ્યાન પોતાની તરફ ખેંચી લીધું હતું. જોકે, કબીર કે ક્રિતી બંનેમાંથી કોઈએ પણ ડેટિંગની વાતોને કન્ફર્મ નથી કરી. પણ સોશિયલ મીડિયા પર આ રૂમર્ડ લવ બર્ડ્સના ફોટો અને વીડિયો આગ લગાવી રહ્યા છે.
વર્ક ફ્રન્ટની વાત કરીએ તો ક્રિતી સેનન હાલમાં જ તેરી બાતોં મેં ઐસા ઉલઝા જિયા અને ક્રૂ જેવી ફિલ્મોમાં જોવા મળી હતી. હવે તે ફિલ્મ દો પત્તી પ્રોડ્યુસ કરી રહી છે. આ એક થ્રિલર ફિલ્મ છે, પણ હજી સુધી એની રિલીઝ ડેટ નથી જાહેર કરવામાં આવી.
