‘અડધા ગુજરાતી’ આશાજીના આ ગુજરાતી ગીતો સાંભળ્યા છે?

સંગીત ક્યારેય કોઈ દેશ, પ્રાંત, ભાષાનો મોહતાજ નથી હોતું. રાજકારણીઓ કે અમુક તકવાદીઓ પોતાના સ્વાર્થ માટે ભલે ભાષાના નામે સરહદો દોર્યા કરે, પણ સંગીત તો આ બધુ ફાંદી સરહદોની પહેલે પાર જાય છે. મહારાષ્ટ્ર અને ગુજરાત અલગ થયા બાદ રાજકીય દૃષ્ટિએ ઘણું થયું, પણ ગીત-સંગીતને આની સાથે શું લેવા દેવા.

આથી જ ગુજરાતી ભાષાના ઘણાએ યાદગાર ગીતો નૉન-ગુજરાતી કલાકારોએ લખ્યા છે, ગાયા છે અને સંગીતબદ્ધ પણ કર્યા છે. આજે જેમનો 90મો જન્મદિવસ છે તેવા સૂરોના મહારાણી આશા ભોસલેએ પણ ઘણા ગુજરાતી ગીતો ગાયા છે જે આજે પણ એટલા જ લોકપ્રિય છે.

ગુજરાતી ભાષાનું એક ખૂબ જ સરસ ગીત માડી તારું કંકુ ખર્યુ ને સૂર જ ઉગ્યો, છાનું રે છપનું કંઈ થાય નહીં, ઊંચી તલાવડીની કોર પાણી ગ્યાતાં, હું તો ફૂલડા વિણવા ગઈ તી, નહીં મેલું રે તારા ફળિયામાં પગ નહીં મેલુ, નવી તે વહુ ના હાથમાં રૂમાલ, મારા પાલવડે બાંધ્યો જશોદાનો જાયો, પિયરિયાને પીપળેથી આવ્યું પારેવડું વગેરેનો સમાવેશ થાય છે. આ ગીત સાંભળીને તમને ક્યાંય નહીં લાગે કે તેઓ મૂળ મરાઠીભાષી હતા.

જોકે આશા ભોસલેના માતા ગુજરાતી હતી. 1927માં તેમનાં પિતાના લગ્ન સેવંતી લાડ સાથે થયા હતા. તેમના સંતાનોમાં ચાર પુત્રી અને એક પુત્રનો સમાવેશ થાય છે. આથી આશા ભોસલે પોતાને અડધા ગુજરાતી ગણાવે છે અને ગુજરાત આવે ત્યારે મામાના ઘરે આવી હોય તેવો અનુભવ થાય છે, તેમ તેમણે ઈન્ટરવ્યૂમાં જણાવ્યું પણ છે.

આશાજીના જીવનના ઘણા અંતરંગ પાસાઓ ઘણી મધુર યાદો વિશે જાણવા માટે તમારે આજની એટલે કે શુક્રવારની મુંબઈ સમાચારની આશાજી વિશેષ પૂર્તિ વાંચવી જ રહી. આ પૂર્તિમાં તેમના ઘણા સંસ્મરણો તાજા થયા છે. તેમની સાથે કામ કરવાનો જેમને મોકો મળ્યો છે તેમને પણ પોતાની યાદોને તાજી કરી છે. તમારા માટે ખૂબ જ સરસ માહિતીસભર વિશેષ પૂરતી મુંબઈ સમાચાર લઈને આવ્યું છે . તો વાંચજો અને આશાજી ના ગીતો ને માણજો અને એમને કોમેન્ટ બોક્સમાં ચોક્કસ જણાવજો કે તમારું ફેવરિટ ગીત કયુ છે?