મોડી રાત્રે બોયફ્રેન્ડ સાથે ઘૂમતી જોવા મળી આ અભિનેત્રી

આદિત્ય રોય અને અનન્યા પાંડેના સંબંધો આજકાલ ચર્ચાનો વિષય છે. આદિત્ય રોય અને અનન્યા પાંડેની લવ લાઈફ વિશે જાણવા માટે ફેન્સ આતુર રહે છે. અનન્યા પાંડે હાલમાં જ ‘કોફી વિથ કરણ’ સીઝન 8માં જોવા મળી હતી.
તાજેતરમાં જ અનન્યા પાંડેએ આદિત્ય રોય કપૂર સાથેના તેના સંબંધોની પુષ્ટિ કરી હતી અને જણાવ્યું હતું કે હાલમાં બંને ડેટિંગ કરી રહ્યા છે. અનન્યા પાંડેએ આદિત્ય રોયને તેના જન્મદિવસની શુભેચ્છા પણ પાઠવી હતી. હવે આ કપલનો એક વીડિયો સામે આવ્યો છે. આ વીડિયો મોડી રાતનો છે, જેમાં આદિત્ય રોય કપૂર અને અનન્યા પાંડે સાથે જોવા મળી રહ્યા છે. બંને વચ્ચેની ગુડ કેમિસ્ટ્રી પણ જોવા મળી રહી છે. વીડિયોમાં બંને હસતા અને ધમાલ કરતા જોવા મળે છે. કેમેરા સામે આવતાની સાથે જ અનન્યા પાંડે શરમાઈ ગઈ અને સુંદર ચહેરો બનાવવા લાગી. અનન્યા પાંડેને શરમાતી જોઈને આદિત્ય રોય કપૂર પણ હસી પડે છે. સંબંધોની પુષ્ટિ કર્યા બાદ પહેલી વાર આ કપલ જાહેરમાં સાથે દેખાયું હતું. અત્યાર સુધી મોટાભાગે બંને કોઈ પણ ઈવેન્ટમાં અલગ-અલગ વાહનોમાં પહોંચતા હતા, પરંતુ આ વખતે બંને સાથે જોવા મળ્યા હતા. ચાહકોને પણ આ જોડી પસંદ આવી રહી છે.
આદિત્ય રોય અને અનન્યા પાંડેને એકસાથે જોયા બાદ ફેન્સ ખૂબ જ ઉત્સાહિત થઈ ગયા છે. ચાહકોનું કહેવું છે કે બંને એકસાથે ખૂબ જ ક્યૂટ લાગે છે. ઘણા ચાહકો તેમની જોડીને બોલિવૂડની શ્રેષ્ઠ જોડી માને છે. એક નેટીઝને બંનેને એક સાથે ક્યૂટ ગણાવ્યા.
https://www.instagram.com/reel/Cz1md1Mtm12/?utm_source=ig_web_copy_link
આદિત્ય રોય કપૂર અને અનન્યા પાંડેના ડેટિંગના સમાચાર આજકાલ ચર્ચાનો વિષય છે. બંને ઘણીવાર ડેટ નાઈટ પર સાથે સમય પસાર કરતા જોવા મળે છે. હાલમાં જ બંનેનો એક રોમેન્ટિક વીડિયો પણ વાયરલ થયો હતો, જેમાં અનન્યા આધિત્યનો હાથ પકડેલી જોવા મળે છે. માલદીવ જતા પહેલા પણ બંને એરપોર્ટ પર સ્પોટ થયા હતા, જેનાથી સ્પષ્ટ થયું હતું કે બંને એકસાથે રજાઓ ગાળવા ગયા હતા.
અભિનેત્રી અનન્યા પાંડેના કામની વાત કરીએ તો તે હાલમાં જ ‘ડ્રીમ ગર્લ 2’માં જોવા મળી હતી. આદિત્ય રોય કપૂર ‘ધ નાઈટ મેનેજર’ની બંને સીઝનમાં જોવા મળ્યો હતો. વર્ક ફ્રન્ટ પર બંને હાલમાં ઘણા પ્રોજેક્ટમાં વ્યસ્ત છે.