સુપરહીટ ફિલ્મ મિ. ઈન્ડિયા આ બે સ્ટાર્સે નકારી હતી, જે અનિલ કપૂરને ફળી

જેમ કહેવાય છે કે દાને દાને પે લીખા હૈ ખાનેવાલે કા નામ તે જ રીતે ફિલ્મ પર પણ કલાકારોનું નામ લખાઈને જ આવતું હોય છે. એવી ઘણી ફિલ્મો છે જે અનાયસે કોઈ કલાકારની ઝોળીમાં આવી ગઈ હોય અને તેનો બેડો પાર થઈ ગયો હોય.

આજે એવી જ એક ફિલ્મની વાત કરવાની છે. અનિલ કપૂર અને શ્રીદેવીને ચમકાવતી સુપરડુપર હીટ મિ. ઈન્ડિયા. આ ફિલ્મે બન્ને કલાકારોની કરિયરમાં રંગ લાવી દીધા અને તેમની જોડી પણ સુપરહીટ સાબિત થઈ. હવે તમને જાણીને નવાઈ લાગશે કે આ ફિલ્મમાં હીરો તરીકેની ઑફર પહેલા અમિતાભ બચ્ચન અને પછી રાજેશ ખન્ના થઈ હતી, પણ બન્નેએ ના પાડતા અનિલ કપૂરની પસંદગી કરવામાં આવી હતી.

સલીમ-જાવેદે આ ફિલ્મ અમિતાભ બચ્ચનને ધ્યાનમાં રાખીને લખી હતી, પરંતુ બચ્ચન સાહેબે આ ફિલ્મ કરવાની ના પાડી દીધી હતી, ત્યારબાદ બંનેએ રાજેશ ખન્નાનો સંપર્ક કર્યો, પરંતુ વાત આગળ વધી નહીં.

સલીમ-જાવેદ 1970ના દાયકાની સૌથી સફળ લેખક જોડીમાંની એક હતી. બંનેએ સાથે મળીને હિન્દી સિનેમાને ‘ઝંજીર’, ‘શોલે’, ‘દીવાર’ અને ‘યાદો કી બારાત’ જેવી ઘણી સારી ફિલ્મો આપી. આ ફિલ્મોથી સલીમ જાવેદે અમિતાભ બચ્ચનને બોલિવૂડના બાદશાહ બનાવ્યા. સલીમ-જાવેદે આ ફિલ્મ અમિતાભ બચ્ચનને ધ્યાનમાં રાખીને લખી હતી, પરંતુ બચ્ચન સાહેબે આ ફિલ્મ કરવાની ના પાડી દીધી હતી, ત્યારબાદ બંનેએ રાજેશ ખન્નાનો સંપર્ક કર્યો હતો, પરંતુ કેટલાક કારણોસર તેમણે આ ફિલ્મ કરવાની ના પાડી હતી. આવી સ્થિતિમાં, તે ફિલ્મ ઉદ્યોગના નવા અભિનેતાના હાથમાં આવી ગઈ અને થોડી જ વારમાં આ અભિનેતા ઇન્ડસ્ટ્રીનો નવો સ્ટાર બની ગયો.

આ ફિલ્મનો કોન્સેપ્ટ સલીમ-જાવેદના મગજમાં ફિલ્મ ‘નાસ્તિક’ના શુભ મુહૂર્તથી આવ્યો હતો, જેના કારણે ફિલ્મના મુખ્ય અભિનેતા અમિતાભ બચ્ચન ગાયબ હતા, જોકે તેમણે સલીમ-જાવેદને વોઇસ નોટ દ્વારા જાણ કરી હતી કે તેઓ ફિલ્મમાં ન આવવાના છે. આ વોઈસ નોટ સાંભળ્યા બાદ બંનેના મનમાં મિસ્ટર ઈન્ડિયા બનાવવાનો વિચાર આવ્યો. આ પહેલા પણ આવી જ અંગ્રેજી ફિલ્મ બની હતી અને તેનો કોન્સેપ્ટ પણ આવો જ હતો.

અનિલ કપૂર અને શ્રીદેવી સ્ટારર ફિલ્મ ‘મિસ્ટર ઈન્ડિયા’ એક કલ્ટ ક્લાસિક સાબિત થઈ. ફિલ્મ ઈતિહાસકાર દિલીપ ઠાકુરે શેખર કપૂર દ્વારા નિર્દેશિત ફિલ્મ વિશે કેટલીક રસપ્રદ માહિતી પણ શેર કરી હતી. મિસ્ટર ઈન્ડિયાની વાર્તા સલીમ-જાવેદની જોડી તરીકેની છેલ્લી ફિલ્મ હતી. આ બંનેએ આ ફિલ્મની સ્ટોરી ઘણા સમય પહેલા પૂરી કરી દીધી હતી, પરંતુ ફિલ્મ પર કામ ખૂબ પછીથી શરૂ થયું હતું. ફિલ્મ વિશે વાત કરતાં દિલીપ ઠાકુરે કહ્યું હતું કે, એવી અફવા છે કે મિસ્ટર ઈન્ડિયા અમિતાભ બચ્ચનને ધ્યાનમાં રાખીને લખવામાં આવી હતી, પરંતુ તેણે ફિલ્મ કરવાનો ઈન્કાર કરી દીધો હતો અને કહ્યું હતું કે જો હું તેમાં દેખાવાનો જ નથી તો મારે શા માટે ફિલ્મો કરવી જોઈએ. બાદમાં નિર્માતાઓએ રાજેશ ખન્નાનો સંપર્ક કર્યો, પરંતુ તેઓ આ ફિલ્મ કરવા માંગતા ન હતા, જેને અમિતાભ બચ્ચને નકારી કાઢી હતી.

Also Read –