‘3 ઈડિયટ્સ’ના એક્ટર અકસ્માતમાં મૃત્યુ

આમિર ખાનની ફિલ્મ ‘3 ઇડિયટ્સ’માં લાયબ્રેરિયન દુબેની ભૂમિકા ભજવનાર જાણીતા અભિનેતા અખિલ મિશ્રાનું મૃત્યુ થયું હતું. તેઓ 58 વર્ષના હતા. અભિનેતાના મૃતદેહને પોસ્ટમોર્ટમ માટે મોકલવામાં આવ્યો છે. એક અહેવાલ મુજબ, અભિનેતા તેમના રસોડામાં કામ કરી રહ્યા હતા ત્યારે તેમનો પગ લપસી ગયો હતો અને માથામાં ગંભીર ઈજા આવી હતી. અખિલના પરિવારમાં તેની પત્ની સુઝાન બર્નર્ટ છે, જે એક જર્મન અભિનેત્રી છે. અખિલે અંતિમ શ્વાસ લીધા ત્યારે તે હૈદરાબાદમાં હતી.

અખિલની પત્ની સુઝેન વ્યવસાયે અભિનેત્રી છે અને ‘RRR’સહિત ઘણી ફિલ્મોમાં જોવા મળી છે. અકસ્માત સમયે અખિલની પત્ની હૈદરાબાદમાં હતી. આ અંગેની માહિતી મળતાં જ તે મુંબઈ પરત આવી ગઈ હતી, પરંતુ અખિલને બચાવી શકાયો નહોતો. અખિલે 3 ફેબ્રુઆરી, 2009ના રોજ જર્મન અભિનેત્રી સુઝાન બર્નર્ટ સાથે લગ્ન કર્યા હતા. બાદમાં તેઓએ 30 સપ્ટેમ્બર, 2011ના રોજ ફરીથી લગ્ન કર્યા હતા.

બંનેએ ફિલ્મ ‘ક્રમ’ અને ટીવી શ્રેણી ‘મેરા દિલ દિવાના’ (દૂરદર્શન)માં સાથે કામ કર્યું હતું. 2019 માં, આ જોડીએ ‘મજનૂ કી જુલિયટ’ નામની ટૂંકી ફિલ્મમાં કામ કર્યું હતું. અખિલ ફિલ્મો અને ઘણા ટીવી શોમાં જોવા મળ્યા છે. તેઓ ‘ઉતરન’, ‘ઉડાન’, ‘સીઆઈડી’ જેવી ઘણી સિરિયલોમાં જોવા મળ્યા છે. તેમણે લોકપ્રિય શો “ઉતરન” માં ઉમેદ સિંહ બુંદેલાનું પાત્ર ભજવીને ઘણું નામ અને ખ્યાતિ મેળવી હતી. તેઓ ‘3 ઈડિયટ્સ’, ‘ડોન’, ‘ગાંધી’ જેવી ઘણી ફિલ્મોનો ભાગ રહી ચૂક્યા છે.