ફેમસ ટીવી એક્ટ્રેસ આશકા ગોરાડિયા માતા બની ગઈ છે. તેણે 27 ઓક્ટોબરે પુત્રને જન્મ આપ્યો હતો. અભિનેત્રી અને તેના પતિ બ્રેન્ટ ગોબલે સોશિયલ મીડિયા દ્વારા આ સમાચાર શેર કર્યા છે. કપલે બેબી બોયનો ફોટો અને નામ પણ જાહેર કર્યું છે.
આશકા ગોરાડિયા છેલ્લા કેટલાક સમયથી તેની પ્રેગ્નન્સીને લઈને ચર્ચામાં હતી. 27 ઓક્ટોબરના રોજ તેણે એક સુંદર ફોટો શેર કરીને તેના ચાહકોને કહ્યું કે તે માતા બની ગઈ છે અને તેના ઘરે એક નાનો મહેમાન આવ્યો છે. તેઓએ જે ફોટો શેર કર્યો છે તેમાં કપલ બાળકનો હાથ પકડેલો જોવા મળે છે. ફોટો જોઈને લાગે છે કે તે હોસ્પિટલમાં જ લેવામાં આવ્યો હતો.
કપલે તેમના સુંદર બેબી બોયનું નામ વિલિયમ એલેક્ઝાન્ડર રાખ્યું છે. કપલે તેમના ઇન્સ્ટાગ્રામ એકાઉન્ટ પર આ માહિતી આપી છે.
થોડા દિવસો પહેલા આશ્કાએ બેબી શાવર કર્યું હતું જેમાં તે તેના મિત્રો સાથે એન્જોય કરતી જોવા મળી હતી. આ પાર્ટીમાં મૌની રોય, ટીના દત્તા, એબીગેલ પાંડે જેવી ઘણી અભિનેત્રીઓએ હાજરી આપી હતી. તેના ખાસ દિવસ માટે, આશકાએ ઓલિવ-ગ્રીન હાઇ-સ્લિટ ગાઉન પહેર્યું હતું જેમાં તે ખૂબ જ સુંદર દેખાતી હતી. ડ્રેસમાં તેનો બેબી બમ્પ સ્પષ્ટ દેખાતો હતો.
