આમિર ખાને ગીત ગાયું તો સોશિયલ મીડિયા પર વાઈરલ થયો વીડિયો…
આમિર ખાનનો એક વીડિયો તાજેતરમાં સોશિયલ મીડિયા પર જોરદાર વાઈરલ થઈ રહ્યો છે. વીડિયોમાં આમિર ખાન ગીત ગાતો જોવા મળે છે. વાઈરલ વીડિયોમાં આમિર ખાન પહેલા નશા ગીત ગાતો જોવા મળે છે, જ્યારે ઘરમાં હાજર મહેમાનો પણ ખુશખુશાલ થઈ ગયા હતા.
Also read : Nita Ambani-Mukesh Ambani પોતાને ત્યાં કામ કરતાં નોકરોને આપે છે આટલો પગાર…
ચોકલેટી હીરો ગણાતા આમિર ખાન વાસ્તવમાં બહુમુખી પ્રતિભા ધરાવતો કલાકાર છે. તેના ફેન્સે તેણે એક્ટિંગથી લઈને ડાન્સિંગ ઘણા રૂપમાં જોયો છે. આમિરે પડદા ઉપર તો ગીત ગાયું છે, પરંતુ આમિર ખાનને ક્યારેય લાઈવ ગીતો ગાતા નથી જોયો. હવે આમિર ખાને તેના ચાહકોની આ ઈચ્છા પણ પૂરી કરી છે. આમિર ખાન તેના ઘરે મહેમાનોની સામે ‘પહેલા નશા’ ગીત ગાતો જોવા મળ્યો હતો. આમિરનો આ વીડિયો સોશિયલ મીડિયા પર વાઈરલ થઈ રહ્યો છે.
તાજેતરમાં જ આમિર ખાને એલી અવરામની પહેલી મરાઠી ફિલ્મ ‘ઇલુ ઇલુ 1998’ના પ્રીમિયરમાં હાજરી આપી હતી. આ ફિલ્મની સ્ક્રિનિંગ બાદ આમિર ખાને ફિલ્મના કલાકારોને એકસાથે મળવા માટે પોતાના ઘરે આમંત્રિત કર્યા હતા. સુપરસ્ટારના ઘરે હાજર લોકોએ બુધવારે રાત્રે સમારોહના ઘણા વીડિયો શેર કર્યા છે.
અભિનેતા ગૌરવ કલુષ્ટેએ તેની ઈન્સ્ટાગ્રામ સ્ટોરીઝમાં ગઈકાલે રાતે આમિર ખાનના ઘરેથી એક વીડિયો શેર કર્યો છે. આ વીડિયો શેર કરતાં ગૌરવે લખ્યું હતું કે ‘આમીર ખાન સર, તમારા ઘરે અમારું સ્વાગત કરવા બદલ આભાર!’ એક વીડિયોમાં આમિરે ‘ઇલુ ઇલુ 1998’ના કલાકારો સાથે ‘પહેલા નશા’ ગાતો જોવા મળે છે, જ્યારે એક પિયાનોવાદક પિયાનો વગાડે છે. આમિરનો આ વીડિયો ચોક્કસપણે ચાહકોને ખુશ કરશે.
તમને જણાવી દઈએ કે આમિર ખાન લાંબા સમયથી મોટા પડદા પરથી ગાયબ છે. અગાઉ ગુજરાતમાં સ્ટેચ્યૂ ઓફ યુનિટી ખાતે જોવા મળ્યો હતો. જોકે, આમિર ખાને પોતાની ફિલ્મો ફ્લોપ થવાને કારણે એક્ટિંગમાંથી બ્રેક લીધો હોવાનું કહેવાય છે.
Also read : Salman Khan મુંબઈના રેલવે સ્ટેશન પર આ શું કરી રહ્યો છે? વીડિયો થયો વાઈરલ…
આમિર ખાન પણ તેની પુત્રી આયરા ખાનના લગ્નમાં હાજર રહ્યો હતો. તેના પુત્ર જુનૈદ ખાનની ફિલ્મનું પ્રમોશન પણ તેણે કર્યું હતું. હવે આમિર ખાન આ વર્ષે મોટા પડદા પર જોવા મળવાનો છે. આમિરની ફિલ્મ સિતારે જમીન પર ડિસેમ્બર મહિનામાં રિલીઝ માટે તૈયાર છે. આ ફિલ્મમાં આમિર ખાન મહત્વની ભૂમિકામાં જોવા મળશે.