જ્યોતિષશાસ્ત્રમાં જ્યારે બુધ અને સૂર્ય બંને ગ્રહ એક જ રાશિમાં એક સાથે આવે છે ત્યારે બુધ્ધાદિત્ય યોગ રચાય છે અને વેદિક જ્યોતિષમાં બુધને બુદ્ધિ, સંચાર અને વિશ્લેષણાત્મક ક્ષમતાઓનું પ્રતિનિધિત્વ કરે છે, જ્યારે સૂર્ય આત્મા, જીવનશક્તિ અને સમગ્ર જીવ શક્તિનું પ્રતિક માનવામાં આવે છે. જ્યારે આ બે પ્રભાવશાળી ગ્રહો એક સાથે આવે છે ત્યારે તેમની ઊર્જા આપસમાં જોડાય છે અને એને કારણે શક્તિશાળી અને શુભ યોગનું નિર્માણ થાય છે. આ યોગનો સંબંધ બુદ્ધિ, વિચક્ષણ મગજ સાથે જ છે. બુધ્ધાદિત્ય યોગ હેઠળ જન્મ લેનારા લોકોમાં અસાધારણ બૌદ્ધિક ક્ષમતાઓ હોય છે અને તેઓ પોતાના વિચારોને રજૂ કરવાની ક્ષમતા ધરાવે છે. પહેલી ઓક્ટોબરના બુધ્ધાદિત્ય યોગ રચાઈ રહ્યો છે ત્યારે પાંચ રાશિના જાતકોને બખ્ખા થઈ જવાના છે, આવો જોઈએ કઈ છે આ પાંચ રાશિઓ કે જેમના માટે બુધ્ધાદિત્ય યોગ લાભદાયી સાબિત થવા જઈ રહ્યો છે.
મેષઃ
મેષ રાશિના લોકો માટે આ યોગ ખૂબ જ લાભદાયી સાબિત થવા જઈ રહ્યો છે. જો તમારો કોઈ કાયદાકીય કેસ ચાલી રહ્યો છે તો તમને આ યોગને કારણે રાહત થશે. બિઝનેસમાં પણ પુષ્કળ લાભ થવાની શક્યતા દેખાઈ રહી છે. નોકરી કરી રહેલાં લોકોને પગાર વધારો અને પ્રમોશન મળી શકે છે.
વૃષભઃ
વૃષભ રાશિના લોકોને ઓક્ટોબર મહિનામાં ભાગ્યનો પૂરેપૂરો સાથ મળી રહ્યો છે અને બુધના શુભ પ્રભાવને કારણે રોકાણ કરવા માટે આ એકદમ અનુકૂળ સમય છે. જે લોકોને લાંબા સમયથી બિઝનેસમાં નુકસાન થઈ રહ્યું હતું એ લોકોને પૂરતો લાભ થવાની અને પરિવર્તનની આશા રાખી શકાય છે.
કન્યાઃ
કન્યા રાશિના લોકો માટે ઓક્ટોબર મહિનો નાણાંકીય બાબતોમાં લાભદાયી રહેવાનો છે. આ આખો મહિનો બિઝનેસમાં પ્રગતિ અને સમૃદ્ધિમાં વૃદ્ધિ થઈ રહી છે. તમારી રિશામાં બુધ અને સૂર્યનું ગોચર ફાયદાકારત સાબિત થવા જઈ રહ્યું છે. જો તમે પાર્ટનરશિપમાં કોઈ બિઝનેસ કરી રહ્યા હશો તો આજે એમાં પણ તમને સફળતા મળશે.
સિંહઃ
સિંહ રાશિના લોકો માટે આ સમય આ સમયગાળો અનુકૂળ રહેશે અને આખા ઓક્ટોબર મહિનામાં બિઝનેસમાં અપરંપાર લાભ થઈ રહ્યો છે. નોકરી કરનારા લોકોને પગાર અને પદોન્નતિ થવાની પૂરેપૂરી શક્યતા છે. નોકરી બદલવા માગતા લોકોને પણ સારી ઓફર મળી શકે છે. વિદેશથી કોઈ સારી તક કે ઓફર આવતા તમારી ખુશીનો માહોલ જોવા મળશે.
ધનઃ
ધન રાશિના લોકો માટે આ યોગ જેકપોટ લઈને આવી રહ્યો છે. તમારી રાશિમાં બુધ અને સૂર્યનું ગોચર ખૂબ જ લાભદાયી સાબિત થઈ છે. કામના સ્થળે આજે તમને પ્રમોશન અને આકસ્મિક ધનલાભ થવાની પૂરેપૂરી શક્યતા છે. રિયલ એસ્ટેટ સાથે સંકળાયેલા લોકોને આજે લાભ થઈ શકે છે. તમારી આર્થિક સ્થિતી વધારે મજબૂત બનશે.