સ્પષ્ટ વક્તા સુખી ભવેત? એક પળ જેને નકારે છે જગત એ જમાનાઓ સુધી પૂજાય છે

આચમન -અનવર વલિયાણી

બે પ્રકારના સ્પષ્ટ વક્તાઓ
દેખાય છે.

• એક જે પોતાના સ્વાર્થ, સુખ-સગવડ, અહંકાર માટે બીજાને સ્પષ્ટ રીતે પોતે દોરેલી લક્ષ્મણરેખાઓ જણાવી દેતા હોય છે અને
• બીજા પ્રકારના સ્પષ્ટ વક્તા ઇશ્ર્વરને ગમે, ઇશ્ર્વરમાન્ય સિદ્ધાંતો-નિયમોને અનુરૂપ હોય, સર્વ જીવોના કલ્યાણ અર્થે હોય તેવું બોલનારા (ફકત પોતાનાં સુખ-સમૃદ્ધિ વધે તેવું બોલનારા નહીં) હોય છે.

પોતપોતાના કર્મક્ષેત્ર અને જ્ઞાન-આવડત મુજબનું સ્પષ્ટ બોલનારાઓની નામાવલીની નોંધ બનાવીએ તો તેમાં

• જિસસ
• ભગવાન મહાવીર
• ભગવાન બુદ્ધ
• હઝરત મહંમ સાહેબ
• મીરા
• સંત કબીર
• અબ્રાહમ લિંકન
• મહાત્મા ગાંધી
• ઓશો
• સોક્રેટિસ
• જે. કૃષ્ણમૂર્તિ જેવા અનેક મહાત્માઓ, અવતારો આવે.
  યાદ રહેવું ઘટે કે આ પહેલા પ્રકારના સ્પષ્ટ વકતાઓમાં
• ખંડણી માગનારાઓ,
• લાંચ રૂશવત માગનારા તથા
• લૂંટારાઓનો પણ સમાવેશ થઇ જાય છે. જેઓ ખુલ્લેઆમ-સામી છાતીએ ડરાવી – ધમકાવીને સ્પષ્ટ રીતે માગણી કરતા હોય છે.
• અમુક જ્યોતિષો તથા વાસ્તુશાસ્ત્રવાળા પણ સ્પષ્ટ રીતે ગભરાવીને પોતાનું સુખ વધારતા હોય છે.
• બીજાની નિંદા કરનારા પણ પોતાને સ્પષ્ટ વક્તા માને છે.
• ચૂંટણી વખતે સામા પક્ષના નેતાની ‘ભૂલો’ હિંમતભેર મીઠું, મરચું, ઉમેરી-તડકા મારકે રજૂ કરતા હોય છે અને પોતાને ‘સ્પષ્ટ વક્તા’જ નહીં, પણ ‘સત્ય વક્તા’
  પણ વણમાગ્યા સ્વીકારી લેતા
  હોય છે.
• પૈસા ઉછીના લીધા પછી ‘આપી શકું એમ નથી’ કહેનારા.
• ધાર્મિક ગ્રંથો પર હાથ મૂકી સ્પષ્ટ સોગંદ-કસમ ખાનારા-ખોટી જુબાની આપનારા,ગવાહી દેનારા.
• લગ્ને લગ્ને ‘કુંવારો છું’ એમ કહી મહિલાઓને ફસાવનારા.
• આતંક ફેલાવ્યા પછી ‘અમે આ પરાક્રમ કર્યું છે ને જવાબદારી લઇએ છીએ’ તેમ બોલનારા અને છેલ્લે
• લગ્ન પ્રસંગે ફટાણારૂપે સ્પષ્ટ રીતે સામા પક્ષવાળાને સંગીત સાથે સંભળાવનારા, કુખ્યાત થયા તો બીજી બાજુ.
• જેમણે સૌના ભલા માટે પોતાના જીવના જોખમે સ્પષ્ટ, સત્યયુક્ત, વક્તવ્ય આપ્યું તેઓ અમર થયા, પૂજવાને લાયક થયા.
• લાખ્ખો લોકોની અંધશ્રદ્ધા,
• માન્યતા,
• કુરિવાજો,
• અન્યાયો,
• ગુલામી,
• લાચારી,
• જુલ્મો-સિતમમાંથી મુક્તિ અપાવી અને તે દ્વારા
• જીવન વધુ સારું-જીવવા જેવું-યોગ્ય બનાવ્યું.
  કોઇ એ માને ન માને તું કહે ‘અનવર’
  સત્ય કહેતા કેમ તું ગભરાય છે,
  એક પળ, જેને નકારે છે જગત,
  એ જમાનાઓ સુધી પૂજાય છે.

ખુશીને શોધી કાઢો
જે રીતે આપણે સારી વર્તણૂક કરવાનું શીખીએ છીએ તે રીતે આપણે જ ખુશ રહેવાનું પણ શીખી શકીએ છીએ.

• જીવનના સુખદ પ્રસંગોને યાદ કરીને તે સમયની ખુશીને વર્તમાનમાં લાવો.
• આ કામ તમે ગમે તે સ્થળે
  અને ગમે તે સમયે કરીને
  તમારા મનને હસી ખુશીમાં રાખી શકો છો.