સ્ટેટ બેંક ઓફ ઈન્ડિયાએ ફિક્સ્ડ ડિપોઝિટના રોકાણકારોને આંચકો આપ્યો, વ્યાજ દર ઘટાડ્યા

મુંબઈ : દેશની સૌથી મોટી બેંક સ્ટેટ બેંક ઓફ ઈન્ડિયાએ ફિક્સ્ડ ડિપોઝિટ ના રોકાણકારોને મોટો ઝટકો આપ્યો છે. એસબીઆઇએ તેની સ્પેશિયલ એફડી “અમૃત વૃષ્ટિ” યોજના પર વ્યાજ દર ઘટાડ્યો છે. નવો વ્યાજ દર 15 જૂન, 2025 થી અમલમાં આવ્યો છે. આનો અર્થ એ થયો કે હવે રોકાણકારોને આ યોજના હેઠળ રોકાણ પર પહેલા કરતા ઓછું વ્યાજ મળશે. જોકે, એસબીઆઇ એ અન્ય નિયમિત એફડી વ્યાજ દરોમાં કોઈ ફેરફાર કર્યો નથી.

વ્યાજ દરમાં 25 બેસિસ પોઈન્ટનો ઘટાડો

અમૃત વૃષ્ટિ યોજના હેઠળ વ્યાજ દરમાં 25 બેસિસ પોઈન્ટનો ઘટાડો કરવામાં આવ્યો છે. સામાન્ય નાગરિકો માટે વ્યાજ દર હવે 444 દિવસના સમયગાળા માટે વાર્ષિક 6.6 ટકા છે. જ્યારે પહેલા આ દર વાર્ષિક 6.85 ટકા હતો. વરિષ્ઠ નાગરિકો અને સુપર વરિષ્ઠ નાગરિકો વ્યાજ દરમાં તેમના વધારાના લાભો માટે પાત્ર છે.

સ્પેશિયલ એફડી યોજના પર વાર્ષિક 7.10 ટકા વ્યાજ દર

વરિષ્ઠ નાગરિકોને હવે એસબીઆઇની સ્પેશિયલ એફડી યોજના પર વાર્ષિક 7.10 ટકા વ્યાજ દર આપવામાં આવે છે. સુપર વરિષ્ઠ નાગરિકો માટે લાગુ વ્યાજ દર ઉપરાંત 10 બેસિસ પોઇન્ટનો વધારાનો લાભ લાગુ પડે છે. જેમાં સુધારા બાદ સુપર સિનિયર સિટીઝન્સને હવે વાર્ષિક 7.20 ટકા વ્યાજ દર આપવામાં આવે છે.

જ્યારે 5 લાખ રૂપિયા સુધીની રિટેલ એફડી માટે વહેલા ઉપાડ બધી મુદત માટે 0. 50 ટકા દંડ લાગુ પડશે. 5 લાખ રૂપિયાથી વધુ પરંતુ 3 કરોડ રૂપિયાથી ઓછી રિટેલ એફડી માટે વહેલા ઉપાડ માટે 1 ટકા દંડ રહેશે.

આ પણ વાંચો…અમેરિકા-ચીન વેપાર વિવાદ યથાવત્‌‍ રહેતાં વૈશ્વિક સોનામાં સુધારા