(વાણિજ્ય પ્રતિનિધિ તરફથી)
નવી મુંબઈઃ મહારાષ્ટ્રની ખાંડ મિલો પર આજે સ્થાનિક તેમ જ દેશાવરોની માગને ટેકે સ્મોલ ગે્રડની ખાંડના ટેન્ડરોમાં વેપાર નીચલા મથાળેથી ક્વિન્ટલે રૂ. 10ના સુધારા સાથે રૂ. 3770થી 3800માં થયાના અહેવાલ હતા.
જોકે, આજે સ્થાનિક જથ્થાબંધ ખાંડ બજારમાં સ્ટોકિસ્ટો અને રિટેલ સ્તરની છૂટીછવાઈ માગ જળવાઈ રહેતા સ્મોલ ગે્રડની ખાંડમાં ટકેલું વલણ રહ્યું હતું, જ્યારે મિડિયમ ગે્રડની ખાંડમાં માગ તથા માલની ગુણવત્તાને ધ્યાનમાં લેતા ભાવમાં ઉપલા મથાળેથી ક્વિન્ટલે રૂ. આઠનો સુધારો આવ્યો હતો. આ સિવાય નાકા ડિલિવરી ધોરણે ઔદ્યોગિક વપરાશકારોની માગને ટેકે ભાવમાં ટકેલું વલણ રહ્યું હતું.
આપણ વાચો: નવેમ્બરનાં ક્વૉટાની જાહેરાત પશ્ચાત્ ખાંડમાં ઉછાળો
બજારનાં સાધનોના જણાવ્યાનુસાર આજે સ્થાનિકમાં અંદાજે 28થી 29 ટ્રકની આવક સામે સ્ટોકિસ્ટોની છૂટીછવાઈ અને રિટેલ સ્તરની લેવાલી ખપપૂરતી રહેતાં ઉપાડ લગભગ 27થી 28 ટ્રકનો રહ્યો હતો.
જોકે, આજે સ્મોલ ગે્રડની ખાંડના વેપાર ક્વિન્ટલે રૂ. 3952થી 4012માં ગુણવત્તાનુસાર ટકેલા ધોરણે થયા હતા, જ્યારે મિડિયમ ગે્રડની ખાંડના વેપાર માગ તથા માલની ગુણવત્તાને ધ્યાનમાં લેતા ઉપલા મથાળેથી ક્વિન્ટલે રૂ. આઠના સુધારા સાથે રૂ. 3972થી 4090માં થયા હતા.
વધુમાં આજે નાકા ડિલિવરી ધોરણે ઔદ્યોગિક વપરાશકારો તથા સ્થાનિક ડીલરોની માગને ટેકે સ્મોલ ગે્રડની ખાંડના વેપાર ક્વિન્ટલે રૂ. 3870થી 3900માં અને મિડિયમ ગે્રડની ખાંડના વેપાર ક્વિન્ટલે રૂ. 3900થી 3950માં ટકેલા ધોરણે થયા હતા.
