(વાણિજ્ય પ્રતિનિધિ તરફથી)
નવી મુંબઈઃ મહારાષ્ટ્રની ખાંડ મિલો પર ગઈકાલે સ્મોલ ગે્રડની ખાંડમાં સ્થાનિક તેમ જ દેશાવરોની માગ જળવાઈ રહેતાં ટેન્ડરોમાં વેપાર ક્વિન્ટલે રૂ. 3840થી 3880માં ટકેલા ધોરણે થયાના ઓવરનાઈટ અહેવાલ હતા.
જોકે, આજે સ્થાનિક જથ્થાબંધ ખાંડ બજારમાં ખાસ કરીને રિટેલ સ્તરની માગ જળવાઈ રહેતાં હાજરમાં સ્મોલ ગે્રડની ખાંડમાં ટકેલું વલણ રહ્યું હતું, જ્યારે મિડિયમ ગે્રડની ખાંડમાં માગ તથા માલની ગુણવત્તાને ધ્યાનમાં લેતા ભાવમાં ક્વિન્ટલે રૂ. 6થી 12નો ઘટાડો આવ્યો હતો. તેમ જ નાકા ડિલિવરી ધોરણે ઔદ્યોગિક વપરાશકારોની માગ ખપપૂરતી મર્યાદિત રહેતાં સ્મોલ તથા મિડિયમ ગે્રડની ખાંડના ભાવમાં ક્વિન્ટલે રૂ. 10નો ઘટાડો આવ્યો હતો.
આપણ વાંચો: સ્મોલ ગ્રેડની ખાંડમાં સાધારણ ઘસરકો
બજારનાં સાધનોના જણાવ્યાનુસાર આજે સ્થાનિકમાં અંદાજે 28થી 29 ટ્રકની આવક સામે સ્ટોકિસ્ટોની નવી લેવાલીનો અભાવ રહ્યો હતો. તેમ જ રિટેલ સ્તરની માગ ખપપૂરતી જળવાઈ રહેતાં ઉપાડ લગભગ 27થી 28 ટ્રકનો રહ્યો હતો. જોકે, આજે હાજરમાં મુખ્યત્વે સ્મોલ ગે્રડની ખાંડમાં માગને ટેકે વેપાર ક્વિન્ટલે રૂ. 4002થી 4060માં ગુણવત્તાનુસાર ટકેલા ધોરણે થયા હતા, જ્યારે મિડિયમ ગે્રડની ખાંડમાં માગ તથા માલની ગુણવત્તાને ધ્યાનમાં લેતા તેના વેપાર નીચલા મથાળેથી ક્વિન્ટલે રૂ. છ અને ઉપલા મથાળેથી રૂ. 12ના ઘટાડા સાથે રૂ. 4056થી 4110માં ગુણવત્તાનુસાર ધોરણે થયા હતા.
વધુમાં આજે નાકા ડિલિવરી ધોરણે ઔદ્યોગિક વપરાશકારો તથા સ્થાનિક ડીલરોની માગ છૂટીછવાઈ મર્યાદિત રહેતાં વેપાર ક્વિન્ટલે રૂ. 10ના ઘટાડા સાથે સ્મોલ ગે્રડના રૂ. 3900થી 3930માં અને મિડિયમ ગે્રડની ખાંડના રૂ. 3940થી 3970માં થયાના અહેવાલ હતા.
