(વાણિજ્ય પ્રતિનિધિ તરફથી)
નવી મુંબઈઃ મહારાષ્ટ્રની ખાંડ મિલો પર ગઈકાલે સ્મોલ ગ્રેડ ની ખાંડમાં સ્થાનિક તેમ જ દેશાવરોની માગ ખપપૂરતી મર્યાદિત રહેતાં ટેન્ડરોમાં વેપાર ક્વિન્ટલે રૂ. 20ના ઘટાડા સાથે રૂ. 3860થી 3910માં થયાના અહેવાલ હતા. આમ મથકો પરના નિરુત્સાહી અહેવાલ તેમ જ સ્થાનિકમાં રિટેલ સ્તરની માગ ખપપૂરતી રહેતાં સ્મોલ ગ્રેડ ની ખાંડના ભાવમાં નીચલા મથાળેથી ક્વિન્ટલે રૂ. 10નો ઘટાડો આવ્યો હતો, જ્યારે મિડિયમ ગ્રેડ ની ખાંડમાં અમુક માલની ગુણવત્તા સારી આવી હોવાથી તેના ભાવમાં ઉપલા મથાળેથી ક્વિન્ટલે રૂ. ચારનો સુધારો જોવા મળેયો હતો. જોકે, આજે નાકા ડિલિવરી ધોરણે ભાવમાં ટકેલું વલણ રહ્યું હતું.
બજારનાં સાધનોના જણાવ્યાનુસાર આજે સ્થાનિકમાં અંદાજે 28થી 29 ટ્રકની આવક સામે સ્ટોકિસ્ટોની નવી લેવાલીનો અભાવ અને રિટેલ સ્તરની માગ ખપપૂરતી રહેતાં ઉપાડ લગભગ 26થી 27 ટ્રકનો રહ્યો હતો. જોકે, આજે મથકો પરનાં નિરુત્સાહી અહેવાલે સ્મોલ ગ્રેડ ની ખાંડના વેપાર નીચલા મથાળેથી ક્વિન્ટલે રૂ. 10ના ઘટાડા સાથે રૂ. 4012થી 4072માં અને મિડિયમ ગ્રેડ ની ખાંડના વેપાર ઉપલા મથાળેથી સાધારણ ગુણવત્તાલક્ષી રૂ. ચારના સુધારા સાથે રૂ. 4062થી 4146માં થયા હતા.
વધુમાં આજે નાકા ડિલિવરી ધોરણે ઔદ્યોગિક વપરાશકારો તથા સ્થાનિક ડીલરોની માગ જળવાઈ રહેતાં સ્મોલ તથા મિડિયમ ગ્રેડ ની ખાંડના વેપાર અનુક્રમે ક્વિન્ટલે રૂ. 3935થી 3960માં અને રૂ. 3970થી 4020માં ટકેલા ધોરણે થયા હોવાનું સૂત્રોએ જણાવ્યું હતું.
