ભારતીય શેરબજારમાં ટ્રમ્પ ટેરિફ અમલની અસર, સેન્સેક્સ નિફ્ટીની ઘટાડા સાથે શરૂઆત

મુંબઈ : અમેરિકા દ્વારા ભારત પર વધારાનો ટેરિફ લાગુ થવાના સંકેત વચ્ચે ભારતીય શેરબજારની આજે ઘટાડા સાથે શરુઆત થઈ છે. જેમાં આજે શરુઆતના ટ્રેડમાં સેન્સેક્સ 258.52 પોઈન્ટના ઘટાડા સાથે 81,377.39 પોઈન્ટ પર ટ્રેડ થઈ રહ્યો છે. જયારે નિફ્ટી 68.25 પોઈન્ટના ઘટાડા સાથે 24,899.50 પોઈન્ટ પર કારોબાર શરૂ કર્યો છે. જયારે સેન્સેક્સની 30માંથી માત્ર 5 કંપનીઓના શેરમાં વધારો જોવા મળ્યો હતો. જયારે બાકીની 21 કંપનીઓ શેરમાં ઘટાડો જોવા મળ્યો હતો તેમજ 4 કંપનીના શેરમાં કોઈ ફેરફાર જોવા નથી મળ્યો.

એશિયન બજારોમાં ઘટાડો

ટ્રમ્પ દ્વારા ચીન પર ટેરિફ લાદવાની ધમકીને મંગળવારે એશિયન બજારોમાં ઘટાડો જોવા મળ્યો. જાપાનનો નિક્કી 225 1.16 ટકા ઘટ્યો, જ્યારે ટોપિક્સ ઇન્ડેક્સ 1.05 ટકા ઘટ્યો. દક્ષિણ કોરિયાનો કોસ્પી ઇન્ડેક્સ 0.88 ટકા અને કોસ્ડેક 0.31 ટકા વધ્યો. હોંગકોંગનો હેંગ સેંગ ઇન્ડેક્સ ફ્યુચર્સ નબળી શરૂઆત દર્શાવે છે.

યુએસ શેરબજાર સોમવારે ઘટાડા સાથે બંધ

જયારે બીજી તરફ યુએસ શેરબજાર સોમવારે ઘટાડા સાથે બંધ થયા હતા. જેમાં ડાઉ જોન્સ ઇન્ડસ્ટ્રિયલ એવરેજ 0.77 ટકા ઘટીને 45,282.47 પર બંધ થયો. જ્યારે એસએન્ડપી 500 0.43 ટકા ઘટીને 6,439.32 પર બંધ થયો. નાસ્ડેક 0.22 ટકાના ઘટાડા સાથે 21,449.29 પર બંધ થયો હતો.