FPI રોકાણ, વર્ષના પ્રથમ સપ્તાહમાં દેશમાં જબરદસ્ત રોકાણ, રૂ. 4800 કરોડને પાર….
નવી દિલ્હી: દેશમાં આવતા વિદેશી રોકાણનો ટ્રેન્ડ વર્ષ 2024ના પહેલા જ સપ્તાહમાં જોવા મળ્યો હતો. વર્ષ 2023 થી ભારતીય અર્થવ્યવસ્થાને લઈને ઉત્સાહ વિદેશી રોકાણકારોમાં ઉત્સાહ જોવા મળ્યે હતો ત્યારે 2024માં પણ આવો જ માહોલ જોવા મળી રહ્યો છે. નવા વર્ષમાં પણ ભારતીય શેરબજારોમાં વિદેશી પોર્ટફોલિયો રોકાણકારો દ્વારા ખરીદવાની પ્રક્રિયા ચાલુ રહી છે. હાલમાં જોઈએ તો FPISએ જાન્યુઆરીના પ્રથમ સપ્તાહમાં શેરબજારોમાં આશરે રૂ. 4,800 કરોડનું રોકાણ કર્યું છે.
ડિપોઝિટરી ડેટા અનુસાર આ સમયગાળા દરમિયાન FPIS એ લોન અને બોન્ડ માર્કેટમાં રૂ. 4,000 કરોડનું રોકાણ પણ કર્યું છે. જિયોજીત ફાઇનાન્શિયલ સર્વિસિસના મુખ્ય રોકાણ વ્યૂહરચનાકાર વીકે વિજય કુમારે જણાવ્યું હતું કે 2024માં યુએસમાં વ્યાજદરમાં લાંબા સમય સુધી ઘટાડો થવાની ધારણા છે. આ કારણે FPIS તેમની ખરીદી વધારશે. દેશમાં ટૂંક સમયમાં સામાન્ય ચૂંટણીઓ યોજાવા જઈ રહી છે. આ ચૂંટણી પહેલાના થોડા મહિનાઓમાં FPIS રોકાણ વધશે એવી દરેકને અપેક્ષા છે.
આ ઉપરાંત લોન માર્કેટમાં એફપીઆઈની સંખ્યા પણ 2024માં સારી રહેવાની ધારણા છે. ડેટા પ્રમાણે જોઈએ તો વિદેશી પોર્ટફોલિયો રોકાણકારોએ આ મહિને 5 જાન્યુઆરી સુધીમાં ભારતીય શેરોમાં રૂ. 4,773 કરોડનું ચોખ્ખું રોકાણ કર્યું છે. જ્યારે FPISએ ડિસેમ્બરમાં શેરમાં રૂ. 66,134 કરોડ અને નવેમ્બરમાં રૂ. 9,000 કરોડનું રોકાણ કર્યું હતું.
મોર્નિંગસ્ટાર ઈન્વેસ્ટમેન્ટ રિસર્ચ ઈન્ડિયાના એસોસિયેટ ડિરેક્ટર-મેનેજર રિસર્ચ હિમાંશુ શ્રીવાસ્તવે જણાવ્યું હતું કે FPIમાં આ વધારો એવા સમયે થઈ રહ્યો છે જ્યારે રોકાણકારો ગયા સપ્તાહે ફેડરલ રિઝર્વની બેઠકની વિગતોની રાહ જોઈ રહ્યા હતા.
વર્ષ 2023માં FPIS એ ભારતીય બજારોમાં આશરે રૂ. 2.4 લાખ કરોડનું રોકાણ કર્યું હતું. તેમાંથી રૂ. 1.71 લાખ કરોડનું રોકાણ ઇક્વિટીમાં અને રૂ. 68,663 કરોડનું રોકાણ લોન અથવા બોન્ડ માર્કેટમાં કરવામાં આવ્યું હતું. વર્ષ 2022માં આ આંકડો માત્ર 1.21 લાખ કરોડ રૂપિયા હતો.
ફિડેલ ફોલિયોના સ્મોલ કેસ મેનેજર અને સ્થાપક કિસલય ઉપાધ્યાયે જણાવ્યું હતું કે ભારતમાંથી સ્થાનિક રોકાણકારોનો સતત પ્રવાહ, ચાલુ નાણાકીય વર્ષના બીજા ક્વાર્ટરના સારા જીડીપીના આંકડા, કંપનીઓના મજબૂત ત્રિમાસિક પરિણામો અને બેન્કોની સારી તંદુરસ્તી વિદેશી રોકાણકારોને આકર્ષી રહી છે. જે ભારતીય બજાર માટે એક મોટી સફળતા જેવું છે.
