(વાણિજ્ય પ્રતિનિધિ તરફથી)
મુંબઈઃ શિકાગો ખાતે સોયા તેલના વાયદામાં ગઈકાલે છ સેન્ટનો સાધારણ ઘટાડો આવ્યાના ઓવરનાઈટ અહેવાલ હતા. તેમ છતાં આજે મલયેશિયાના બુર્સા મલયેશિયા ડેરિવેટીવ્સ એક્સચેન્જ ખાતે ક્રૂડ પામતેલના વાયદામાં 61 રિંગિટ વધી આવ્યાના પ્રોત્સાહક અહેવાલે સ્થાનિક જથ્થાબંધ ખાંડ બજારમાં પણ ખાસ કરીને આયાતી તેલમાં 10 કિલોદીઠ આરબીડી પામોલિનમાં રૂ. 10 અને સન રિફાઈન્ડમાં રૂ. પાંચ વધી આવ્યા હતા, જ્યારે મથકો પાછળ દેશી તેલમાં કપાસિયા રિફાઈન્ડ અને સરસવના ભાવ 10 કિલોદીઠ રૂ. 10 વધી આવ્યા હતા અને સિંગતેલમાં ટકેલું વલણ રહ્યું હતું. જોકે, આજે હાજરમાં વેપાર નિરસ હતા, પરંતુ ડાયરેક્ટ ડિલિવરી તથા સેલરિસેલ ધોરણે છૂટાછવાયા વેપારો ગોઠવાયાના અહેવાલ હતા.
આજે સ્થાનિકમાં ડાયરેક્ટ ડિલિવરી શરતે 10 કિલોદીઠ ઈમામીના આરબીડી પામોલિન અને સોયા રિફાઈન્ડના અનુક્રમે રૂ. 1260 અને રૂ. 1240, એડબ્લ્યુએલના આરબીડી પામોલિનના રૂ. 1255, સોયા રિફાઈન્ડના રૂ. 1245 અને સન રિફાઈન્ડના રૂ. 1415, નવભારતના આરબીડી પામોલિનના રૂ. 1266, એવીઆઈના સોયા રિફાઈન્ડના રૂ. 1255, ઓલામના ક્રૂડ પામતેલના રૂ. 1040 અને ગોકુલ એગ્રોનાં આરબીડી પામોલિન અને સોયા રિફાઈન્ડના અનુક્રમે રૂ. 1285 અને રૂ. 1240 ક્વૉટ થઈ રહ્યા હતા. તેમ જ છૂટાછવાયા વેપારોનાં પણ અહેવાલ હતા.
આજે ગોંડલ મથકે મગફળીની 19,000 ગૂણીની તથા રાજકોટ મથકે 10,000 ગૂણીની આવક સામે વેપાર અનુક્રમે મણદીઠ રૂ. 900થી 1280માં અને રૂ. 900થી 1275માં થયા હોવાનું સૂત્રોએ જણાવ્યું હતું.
આજે હાજરમાં વિવિધ દેશી-આયાતી ખાદ્યતેલના 10 કિલોદીઠ ભાવમાં આરબીડી પામોલિનના રૂ. 1275, સોયા રિફાઈન્ડના રૂ. 1270, સન રિફાઈન્ડના રૂ. 1425, સિંગતેલના રૂ. 1340, કપાસિયા રિફાઈન્ડના રૂ. 1340 અને સરસવના રૂ. 1580ના મથાળે રહ્યા હતા. આ સિવાય આજે ગુજરાતનાં મથકો પર નિરસ માગે સિંગતેલમાં તેલિયા ટીનના વેપાર 15 કિલોદીઠ રૂ. 2100માં અને લૂઝમાં 10 કિલોદીઠ રૂ. 1300માં ટકેલા ધોરણે થયાના અહેવાલ હતા.
