મુંબઈ: ઇન્ડિયન પ્રીમિયર લીગ (IPL) 2024 ની 51મી આજે શુક્રવારેના રોજ મુંબઈના વાનખેડે સ્ટેડિયમમાં મુંબઈ ઈન્ડિયન્સ (MI) અને કોલકાતા નાઈટ રાઈડર્સ (KKR) વચ્ચે રમાશે. મુંબઈ ઈન્ડિયન્સ માટે IPLની આ સિઝન નિરાશાજનક રહી છે. MIએ 10માંથી માત્ર ૩ મેચમાં જીત મેળવી છે, જયારે KKRએ 9 મેચમાંથી 6 મેચ જીતી છે.
મુંબઈ ઈન્ડિયન્સ પોઈન્ટ ટેબલમાં નવમા સ્થાને છે. જ્યારે, કોલકાતા નાઈટ રાઈડર્સ (KKR) એ 12 પોઈન્ટ્સ સાથે પોઈન્ટ ટેબલમાં બીજા સ્થાને છે. KKR આજની મેચ જીતીને પોઈન્ટ ટેબલમાં સ્થાન મજબુત કરવાના ઈરાદા સાથે મેદાનમાં ઉતરશે. જયારે મુંબઈ ઇન્ડિયન્સ મેચ જીતી શાખ બચાવવા કોશિશ કરશે. રેકોર્ડ્સ મુજબ કોલકાતા નાઈટ રાઈડર્સ સામે મુંબઈ ઈન્ડિયન્સનો દબદબો રહ્યો છે.
મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે અત્યાર સુધીમાં 32 આઈપીએલ મેચ રમાઈ છે. MIએ 23 મેચ જીતી છે અને KKRએ માત્ર 9 મેચ જીતી છે. આ બંને ટીમો છેલ્લી વખત ગયા વર્ષે 16 એપ્રિલે સામસામે આવી હતી. તે મેચમાં KKRએ 20 ઓવરમાં 6 વિકેટે 185 રન બનાવ્યા હતા. જવાબમાં MIએ 17.4 ઓવરમાં ટાર્ગેટ ચેઝ કરવામાં સફળ રહી હતી અને પાંચ વિકેટે મેચ જીતી હતી.
વાનખેડે સ્ટેડિયમની પીચ બેટિંગ ફ્રેન્ડલી રહેવાની અપેક્ષા છે. આ સ્ટેડિયમની નાની બાઉન્ડ્રી બેટ્સમેનોનું કામ સરળ બનાવે છે. અહીંની પિચ પરથી બોલરોને બાઉન્સ મળી રહ્યો છે. જો કે, પ્રથમ ઇનિંગમાં પાવરપ્લે દરમિયાન સીમર્સને મૂવમેન્ટ મળી શકે છે, ફાસ્ટ બોલરોને પીચમાંથી થોડી મદદ મળી શકે છે.
કોલકાતા નાઈટ રાઈડર્સના બેટિંગ ઓર્ડર માટે જસપ્રિત બુમરાહ ખૂબ જ મહત્વપૂર્ણ રોલ ભજવી શકે છે. મુંબઈની ટીમ કોઈ એક સ્પિનરની જગ્યાએ કુમાર કાર્તિકેયને તક આપી શકે છે. મુંબઈની ટીમના તમામ ખેલાડીઓ પસંદગી માટે ઉપલબ્ધ છે.
મુંબઈ ઈન્ડિયન્સની સંભવિત પ્લેઈંગ-11:
ઈશાન કિશન (વિકેટ કિપર), રોહિત શર્મા, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), નેહલ વાઢેરા, ટિમ ડેવિડ, મોહમ્મદ નબી, પીયૂષ ચાવલા, ગેરાલ્ડ કોએત્ઝી/લ્યુક વુડ, જસપ્રિત બુમરાહ.
ઈમ્પેક્ટ પ્લેયર – નુવાન તુશારા
કોલકાતા નાઈટ રાઈડર્સની પ્લેઈંગ-11:
ફિલ સોલ્ટ, સુનીલ નારાયણ, અંગક્રિશ રઘુવંશી, શ્રેયસ ઐયર, વેંકટેશ ઐયર, રિંકુ સિંહ, આન્દ્રે રસેલ, રમનદીપ સિંહ, દુષ્મંથા ચમીરા/મિશેલ સ્ટાર્ક, વરુણ ચક્રવર્તી, વૈભવ અરોરા,
ઈમ્પેક્ટ પ્લેયર – અનુકુલ રોય/સુયશ શર્મા