દ્વારકાના યુવાનનું દેશની સેનામાં જોડવાનું સ્વપ્ન અધવચ્ચે જ રોળાયું !

જામ ખંભાળિયા: દેશની સેનામાં જોડાઈને દેશની સેવા કરવાનું સ્વપ્ન અનેક યુવાનોનું હોય છે પરંતુ દરેકને માટે તે હકીકત નથી બનતી. દેશની સેવાની તક પ્રાપ્ત કરેલા દ્વારકાના આશાસ્પદ યુવાનનું આ સ્વપ્ન અધૂરું રહી ગયું.

દેવભૂમિ દ્વારકા જિલ્લાનો બ્રિજરાજસિંહ સોઢા આર્મીમાં સિલેક્ટ થયા બાદ હૈદરાબાદ ખાતે ટ્રેનિંગમાં જઈ રહ્યો હતો, ત્યારે ખંભાળિયા-દ્વારકા હાઇવે પર બેફામ કારચાલકે અડફેટે લીધો હતો. જેને સારવારઅર્થે હોસ્પીટલમાં દાખલ કરાતા ડોક્ટરે મૃત જાહેર કર્યો હતો. બ્રિજરાજસિંહના મૃત્યુથી તેનું દેશની સેનામાં જોડાવાનું સ્વપ્ન અધૂરું જ રહી ગયું. પરિવારમાં પણ શોકની લાગણી વ્યાપી ગઈ છે. આરોપી કારચાલક પણ સગીર હોવાનું સામે આવ્યું છે. જેના વિરુધ્દ પોલીસે આગળની કાર્યવાહી હાથ ધરી છે.