ઘરે બેઠા આ રીતે મતદાર યાદીમાં તમારું નામ અને મતદાન કેન્દ્ર તપાસો
શુક્રવારે એટલે કે આવતી કાલે દેશભરની 102 લોકસભા સીટ માટે મતદાન થવાનું છે. ચૂંટણી પંચે મતદારોની સુવિધા માટે ખાસ એપ બનાવી છે. આ એપ દ્વારા તમે તમારું નામ મતદાર યાદીમાંથી શોધી શકો છો. તમારે કયા મતદાન મથક પર જઇને મત આપવાનો છે, કયા બૂથ પર જવાનુ છે, એ બધી માહિતી તમને એપ પરથી મળી રહેશે. વોટર હેલ્પલાઇન એપ ગૂગલ પ્લે સ્ટોર અથવા એપલ સ્ટોર પરથી ડાઉનલોડ કરી શકાય છે. ચૂંટણી પંચ ચૂંટણીમાં બે ડઝનથી વધુ સમાન એપ્સનો ઉપયોગ કરી રહ્યું છે. તેમની સંપૂર્ણ માહિતી ચૂંટણી પંચની વેબસાઇટ પર ઉપલબ્ધ છે.
અત્યાર સુધી, મતદારોએ તેમની મતદાર કાપલી માટે BLO અથવા પક્ષના કાર્યકરો પર આધાર રાખવો પડતો હતો, પરંતુ હવે મતદારો તેમની મતદાર કાપલી વોટર હેલ્પલાઇન એપ દ્વારા ફોટા સાથે મેળવી શકશે.
આ પણ વાંચો
http://મતદાર યાદીમાં તમારું નામ છે કે નહીં? ઘરે બેઠાં બેઠાં આ રીતે જાણો…
ભારતના ચૂંટણી પંચે માહિતી આપી છે કે આ લોકસભા ચૂંટણીમાં લગભગ 97 કરોડ ભારતીયો મતદાન કરવા માટે લાયક હશે. ચૂંટણી પંચે અહેવાલ આપ્યો છે કે ભારતમાં 96.88 કરોડ લોકો આગામી સામાન્ય ચૂંટણીઓ માટે મતદાન કરવા માટે નોંધાયેલા છે. છેલ્લી લોકસભા ચૂંટણી 2019 થી નોંધાયેલા મતદારોની સંખ્યામાં છ ટકાનો વધારો થયો છે.
