PM મોદી પર આપત્તિજનક ટિપ્પણી કરવા બદલ કોંગ્રેસી નેતા પર FIR
નવી દિલ્હી: એક ચૂંટણી (Loksabha Election 2024) રેલી દરમિયાન વડાપ્રધાન નરેન્દ્ર મોદી (PM Narendra Modi) વિરુદ્ધ વાંધાજનક ટિપ્પણી કર્યા બાદ કોંગ્રેસ નેતા ચરણદાસ મહંત (Charan Das Mahant’s) ની મુશ્કેલીઓ વધી ગઈ છે. હકીકતમાં, આ અઠવાડિયાની શરૂઆતમાં છત્તીસગઢના રાજનાંદગાંવમાં એક જાહેર રેલી દરમિયાન વડા પ્રધાન નરેન્દ્ર મોદી વિરુદ્ધ તેમના વિશે વાંધાજનક ટિપ્પણી (objectionable remarks on PM) કરવા બદલ શુક્રવારે પોલીસ સ્ટેશનમાં કેસ (FIR) નોંધવામાં આવ્યો છે.
એક વરિષ્ઠ પોલીસ અધિકારીએ જણાવ્યું કે જિલ્લા ચૂંટણી અધિકારીની ફરિયાદના આધારે અહીં કોતવાલી પોલીસ સ્ટેશનમાં મહંત વિરુદ્ધ FIR નોંધવામાં આવી છે. 2 એપ્રિલે અહીં એક જાહેર રેલી દરમિયાન તેમની કથિત ટિપ્પણી બદલ IPC કલમ 506 (ગુનાહિત ધમકી) હેઠળ તેમની સામે કેસ નોંધવામાં આવ્યો હતો, અધિકારીએ જણાવ્યું હતું.
રાજ્ય ભાજપે મહંત વિરુદ્ધ છત્તીસગઢના મુખ્ય ચૂંટણી અધિકારીને ફરિયાદ કરી હતી અને તેમના પર કોંગ્રેસના કાર્યકરો અને જનતાને વડાપ્રધાન વિરુદ્ધ હિંસા માટે ઉશ્કેરવાનો આરોપ લગાવ્યો હતો.
બાદમાં મહંતે એક વીડિયો નિવેદનમાં કહ્યું હતું કે તેઓ વડાપ્રધાનનું સન્માન કરે છે અને તેમના નિવેદનનું ખોટું અર્થઘટન કરવામાં આવ્યું હતું. તેમણે કહ્યું કે જો આનાથી કોઈને દુઃખ થયું હોય તો તે ખેદ વ્યક્ત કરે છે.
