Sushil Modiને થયું cancer, ટ્વીટર પર આપી જાણકારી

નવી દિલ્હીઃ ભારતીય જનતા પાર્ટીના વરિષ્ઠ નેતા સુશીલ મોદી છેલ્લા ઘણા મહિનાઓથી ગંભીર બીમારીથી પીડાઈ રહ્યા છે. બિહારના પૂર્વ ડેપ્યુટી સીએમ સુશીલ મોદીએ ટ્વીટ કરીને માહિતી આપી હતી. તેણે ટ્વીટ કરીને કહ્યું હતું કે હું છેલ્લા 6 મહિનાથી કેન્સર સાથે સંઘર્ષ કરી રહ્યો છું. હવે મને લાગ્યું કે લોકોને કહેવાનો સમય આવી ગયો છે.

હું લોકસભાની ચૂંટણીમાં કંઈ કરી શકીશ નહીં. પીએમને બધુ જ જણાવવામાં આવ્યું છે. હંમેશા સૌનો આભારી રહીશ, દેશ, બિહાર અને પાર્ટી માટે સમર્પિત.

સુશીલ મોદીની રાજકીય કારકિર્દીની વાત કરીએ તો તેઓ ચારેય ગૃહોના સભ્ય રહી ચૂક્યા છે. સુશીલ કુમાર મોદી બિહારના નાયબ મુખ્યમંત્રી હોવા ઉપરાંત રાજ્યસભાના સાંસદ પણ રહી ચૂક્યા છે. તેમની 33 વર્ષની રાજકીય કારકિર્દીમાં સુશીલ મોદી રાજ્યસભા, લોકસભા, વિધાન પરિષદ અને વિધાનસભાના સભ્ય પણ રહી ચૂક્યા છે.

સુશીલ મોદીએ બિહાર વિધાન પરિષદમાં વિપક્ષના નેતાની જવાબદારી પણ સંભાળી છે. તાજેતરમાં ભાજપે રાજ્યસભાના ઉમેદવારોની જાહેરાત કરી હતી, જેમાં સુશીલ મોદીનું નામ નહોતું.