નવી દિલ્હીઃ સ્ટેટ બેંક ઓફ ઈન્ડિયા (SBI) એ ઈલેક્ટોરલ બોન્ડને લઈને સુપ્રીમ કોર્ટમાં સોગંદનામું દાખલ કર્યું છે (Affidavit of SBI in Supreme Court). આ સોગંધનમાંમાં SBIના ચેરમેન દિનેશ કુમાર ખારા વતી દાખલ કરવામાં આવ્યું છે.
આ એફિડેવિટમાં કહેવામાં આવ્યું છે કે બેંકે સુપ્રીમ કોર્ટ દ્વારા 15 ફેબ્રુઆરીએ આપેલા આદેશનું પાલન કર્યું છે. તમને જણાવી દઈએ કે SBIએ એક પેન ડ્રાઈવમાં બે PDF ફાઈલ બનાવીને સુપ્રીમ કોર્ટ સાથે આ માહિતી શેર કરી છે. બંને PDF ફાઇલો પાસવર્ડથી સુરક્ષિત છે.
એફિડેવિટમાં વધુમાં જણાવાયું છે કે ઉપરોક્ત સૂચનાઓનું આદરપૂર્વક પાલન કરવા માટે, આ માહિતીનો રેકોર્ડ ડિજિટલ સ્વરૂપમાં (પાસવર્ડ પ્રોટેકટેડ) ભારતના ચૂંટણી પંચ (ECI)ને 12.03.2024 ના રોજ કામકાજના સમયની સમાપ્તિ પહેલાં ઉપલબ્ધ કરાવવામાં આવ્યું હતું. (i) સૂચના નંબર (b) મુજબ દરેક ઈલેક્ટોરલ બોન્ડની ખરીદીની તારીખ, ખરીદનારનું નામ અને ખરીદેલ ઈલેક્ટોરલ બોન્ડનું મૂલ્ય આપવામાં આવ્યું છે. સૂચના ક્રમાંક (c) મુજબ, એનકેશમેન્ટની તારીખ, ચૂંટણી બોન્ડ, યોગદાન મેળવનાર રાજકીય પક્ષોના નામ અને ઉપરોક્ત બોન્ડનું મૂલ્યનો સમાવેશ છે.
Also Read:https://bombaysamachar.com/world-news/sbi-sent-details-of-electoral-bonds-to-ec/
તે વધુમાં જણાવે છે કે ઉપરોક્ત ડેટા 12.04.2019 થી 15.02.2024 વચ્ચે ખરીદેલા અને રિડીમ કરેલા બોન્ડના સંદર્ભમાં રજૂ કરવામાં આવ્યો છે. આ સમયગાળા દરમિયાન ઇલેક્ટોરલ બોન્ડનું વેચાણ અને રિડીમ તબક્કાવાર કરવામાં આવ્યું હતું અને 11મો તબક્કો 01.04.2019થી શરૂ થયો હતો.
એપ્લિકેશનમાં ઉલ્લેખિત બોન્ડ્સની સંખ્યામાં તે બોન્ડ્સનો સમાવેશ થાય છે જે 12 એપ્રિલ, 2019 ના રોજ નહીં પરંતુ એપ્રિલ 1, 2019 થી શરૂ થતા સમયગાળા દરમિયાન ખરીદવામાં આવ્યા હતા. તારીખ 01.04.2019થી 15.02.2024ના સમયગાળા દરમિયાન કુલ 22,217 બોન્ડ ખરીદવામાં આવ્યા હતા. જેમાંથી 22,030 બોન્ડ રિડીમ કરવામાં આવ્યા હતા.
તમને જણાવી દઈએ કે ઈલેક્ટોરલ બોન્ડ કેસમાં સુપ્રીમ કોર્ટે SBIની અરજીને ફગાવી દેતા 12 માર્ચ સુધીમાં વિગતો આપવાનો નિર્દેશ આપ્યો હતો. ઉપરાંત, ECને આ વિગતો 15 માર્ચ સુધીમાં પ્રકાશિત કરવા સૂચના આપવામાં આવી હતી.
Also Read:https://bombaysamachar.com/mumbai/electoral-bonds-supreme-court-orders-sbi-to-disclose-data/
કોર્ટે SBIના CMDને વિગતો જાહેર કરી હતી અને તેમને એફિડેવિટ દાખલ કરવા કહ્યું હતું. કોર્ટે SBI સામે તિરસ્કારની કાર્યવાહી શરૂ કરવાનો ઇનકાર કર્યો હતો. SCએ ચેતવણી આપી હતી કે અમે SBIને નોટિસ આપી છે કે જો SBI આ આદેશમાં નિર્દિષ્ટ સમય મર્યાદામાં નિર્દેશોનું પાલન ન કરે તો, આ કોર્ટ તેની વિરુદ્ધ ઇરાદાપૂર્વક અનાદર માટે પગલાં લેવા માટે વલણ ધરાવે છે.
