Elvish Yadav Rave Party Case: FSL તપાસમાં મોટો ખુલાસો, રેવ પાર્ટીઓમાં સાપના ઝેરનો ઉપયોગ થતો હતો
નોઇડા: બિગ બોસ ફેમ યુટ્યુબર એલ્વિશ યાદવ (Elvish Yadav)ની મુશ્કેલીઓ વધી શકે છે. રેવ પાર્ટીઓ(Rave Party)માં સાપનું ઝેર સપ્લાય કરવાના મામલામાં પોલીસને મહત્વની કડી મળી છે. નોઈડા પોલીસે સેમ્પલને જયપુર FSLમાં મોકલ્યા હતા. એફએસએલ રિપોર્ટમાં કોબ્રા-ક્રેટ પ્રજાતિના સાપનું ઝેર મળી આવ્યું છે. સાપની આ પ્રજાતિનું ઝેર ખૂબ જ ખતરનાક છે અને આ સાંપના કરડવાથી દર વર્ષે સંખ્યાબંધ લોકો મૃત્યુ પામે છે.
નોઇડાના સેક્ટર 49 પોલીસ સ્ટેશનમાં યુટ્યુબર એલ્વિશ યાદવ સહિત કેટલાક મદારીઓ વિરુદ્ધ કેસ નોંધવામાં આવ્યો હતો. NGO PFA દ્વારા FIR દાખલ કરવામાં આવી હતી. આ મદારીઓને જેલમાં મોકલવામાં આવ્યા હતા છે. તેમના કબજામાંથી સાપનું ઝેર મળી આવ્યું હતું અને તેને પરીક્ષણ માટે એફએસએલ લેબમાં મોકલવામાં આવ્યું હતું.
નોઈડામાં સાપની તસ્કરી અને રેવ પાર્ટીના મામલામાં તપાસ ધીમે ધીમે આગળ વધી રહી છે. ગયા વર્ષે નવેમ્બરમાં આરોપીઓને રિમાન્ડ પર લીધા બાદ નોઈડા પોલીસે કેટલાક કલાકો સુધી પૂછપરછ કરી હતી. આ પૂછપરછ દરમિયાન આરોપીએ પોલીસ સમક્ષ અનેક ખુલાસા કર્યા હતા.
આરોપીઓએ એવો પણ ખુલાસો કર્યો હતો કે એલ્વિશ યાદવની પાર્ટીઓમાં બાદરપુરથી સાપ લાવવામાં આવ્યા હતા. એક આરોપી પોલીસને જણાવ્યું હતું કે એલ્વિસ રેવ પાર્ટીઓમાં સાપ અને ઝેરની વ્યવસ્થા કરતો હતો. ડિમાન્ડ પ્રમાણે તે મદારીઓથી લઈને ટ્રેનર્સ અને અન્ય વસ્તુઓ પૂરી પાડતો હતો.
આરોપીઓએ પોલીસને અન્ય કેટલાક આરોપીઓના નામ પણ જણાવ્યા હતા જેઓ રેવ પાર્ટીઓમાં સ્નેક ગેમ્સનું આયોજન કરતા હતા. તેમની વચ્ચે કેટલાક એવા પણ હતા જેમના એલ્વિશ અને ફાઝીલપુરિયા સાથે સંબંધ હતા. ત્યારથી પોલીસે તેને શોધવાનું શરૂ કર્યું.
NGOનો દાવો છે કે બિગ બોસ વિજેતા એલ્વિસ યાદવ નોઈડામાં રેવ પાર્ટીઓ યોજતો હતો. PFAની ફરિયાદના આધારે, પોલીસે જ્યાં એલ્વિસની રેવ પાર્ટી યોજાઈ હતી ત્યાં દરોડો પાડ્યો હતો અને પાંચ લોકોની ધરપકડ કરી હતી અને તેમની પાસેથી 9 ઝેરી સાપ મળી આવ્યા હતા.
