Junagadh Hate speech: મુફ્તી સલમાન અઝહરીને જામીન અપાયા
અમદાવાદઃ મુફ્તી સલમાન અઝહરીને ભડકાઉ ભાષણના કેસમાં બુધવારે (7 ફેબ્રુઆરી) કોર્ટે જામીન આપ્યા હતા. જુનાગઢ જિલ્લા કોર્ટે આ કેસમાં ઇસ્લામિક ઉપદેશક તેમજ અન્ય બે લોકોને પણ જામીન આપ્યા હતા. મળતી માહિતી અનુસાર મુખ્ય ન્યાયિક મેજિસ્ટ્રેટ દ્વારા મુફ્તી અઝહરી અને અન્ય બેને જામીન આપ્યા છે. જુનાગઢમાં 31મી જાન્યુઆરીએ ધાર્મિક કાર્યક્રમનું આયોજન કરવામાં આવ્યું હતું. એવો આરોપ છે કે એક ઇસ્લામિક ઉપદેશ કે કથિત રીતે ત્યાં ભડકાઉ ભાષણ આપ્યું હતું.
મુફ્તી સલમાન અઝહરી, મોહમ્મદ યુસુફ મલેક અને અઝીમ હબીબ ઓડેદરાને તેમના એક દિવસના પોલીસ રિમાન્ડ પૂરા થતાં સાંજે 4 વાગ્યે કોર્ટમાં રજૂ કરવામાં આવ્યા હતા અને તેમને જ્યુડિશિયલ કસ્ટડીમાં મોકલવામાં આવ્યા હતા. તેના વકીલોએ તેના નિયમિત જામીન માટે અરજી કરી હતી.
અરજી પર સુનાવણી કરતા કોર્ટે જામીન મંજૂર કર્યા હતા. ગુજરાતમાં પોલીસે મંગળવારે કચ્છ જિલ્લાના સામખિયારીમાં એક ધાર્મિક કાર્યક્રમમાં કથિત રીતે ભડકાઉ ભાષણ આપવા બદલ મુંબઈ સ્થિત મૌલાના મુફ્તી સલમાન અઝહરી વિરુદ્ધ બીજી એફઆઈઆર નોંધી છે.
અઝહરી પર આ બીજી FIR છે. અગાઉ, દ્વેષપૂર્ણ ભાષણના કેસમાં શનિવારે જૂનાગઢમાં નોંધાયેલી એફઆઈઆરમાં, અઝહરીની રવિવારે મુંબઈથી ધરપકડ કરવામાં આવી હતી અને ગુજરાત એન્ટી ટેરરિઝમ સ્ક્વોડ (ATS) ની ટીમ દ્વારા અમદાવાદ લાવવામાં આવ્યો હતો. અઝહરીને અમદાવાદથી જુનાગઢ લઈ જવાયા હતા.
જુનાગઢ એફઆઈઆર મુજબ, ધરપકડ કરાયેલ વ્યક્તિઓએ પોલીસ પાસેથી મીટિંગ માટે પરવાનગી મેળવી હતી, જેમાં કહેવામાં આવ્યું હતું કે અઝહરી ધર્મ વિશે વાત કરશે અને વ્યસનમુક્તિ અંગે જાગૃતિ ફેલાવશે. અઝહરીના ભાષણની ક્લિપ વાયરલ થયા બાદ પોલીસ હરકતમાં આવી હતી.
