વિવેક અગ્નિહોત્રીની ફિલ્મ ‘ધ વેક્સીન વોર’ સંસદની લાઇબ્રેરીમાં પ્રદર્શિત થઇ

સાંપ્રત -નિધિ ભટ્ટ

વિવેક બોલિવૂડના જાણીતા નિર્દેશકોમાંથી એક છે. તેઓ સામાજિક ફિલ્મો બનાવવા માટે જાણીતા છે. વિવેક અગ્નિહોત્રીએ પોતાની ફિલ્મ ‘ધ કાશ્મીર ફાઇલ્સ’થી ઘણી હેડલાઇન્સ બનાવી હતી. આ ફિલ્મ પછી તેણે બીજી ફિલ્મ ‘ધ વેક્સીન વોર’ બનાવી. આ ફિલ્મ કોરોના પીરિયડ પર આધારિત હતી.

દર્શકોને પણ તેની ફિલ્મ ઘણી પસંદ આવી હતી. હવે ડાયરેક્ટર વિવેક અગ્નિહોત્રીએ પોતાના સોશિયલ મીડિયા હેન્ડલ દ્વારા આ ફિલ્મ સાથે જોડાયેલા એક સારા સમાચાર શેર કર્યા છે. આ ફિલ્મ સંસદમાં દર્શાવવામાં આવશે ‘ધ વેક્સીન વોર’ સમાજના સળગતા મુદ્દા પર બનેલી ઉત્તમ ફિલ્મ છે.

આ ફિલ્મે તેના થિયેટર ચલાવવા અને ડિજિટલ રિલીઝ પર ધૂમ મચાવી હતી અને તાજેતરના એવું જાણવા મળ્યું છે કે આ ફિલ્મ સંસદની લાઇબ્રેરી ઉર્ફે સંસદ ભવન લાઇબ્રેરીમાં શાસક ભાજપના સંસદના સભ્યો માટે પ્રદર્શિત કરવામાં આવી છે.

વિવેકની આ ફિલ્મ પણ બોક્સ ઓફિસ પર ઘણી સફળ રહી હતી. આ ફિલ્મમાં નાના પાટેકરે મહત્વની ભૂમિકા ભજવી હતી. હવે ડાયરેક્ટરે પોતે ફિલ્મ ‘ધ વેક્સીન વોર’ સાથે જોડાયેલી માહિતી પોતાના ફેન્સ સાથે શેર કરી છે. પોતાના સોશિયલ મીડિયા હેન્ડલ પરથી ‘ધ વેક્સીન વોર’નું પોસ્ટર શેર કરતી વખતે વિવેકે લખ્યું, વાહ! મને વહેલી સવારે આવા સારા સમાચાર મળ્યા છે. હું દેશના તમામ વૈજ્ઞાનિકો માટે ખૂબ જ ખુશ છું. ગયા વર્ષે ઑક્ટોબરમાં ભારતના વડા પ્રધાન નરેન્દ્ર મોદીએ ભાષણ દરમિયાન વેકસિન વોરની પ્રશંસા કરી હતી. આનંદિત અગ્નિહોત્રીએ ટ્વિટર પરના સમાચાર પર પ્રતિક્રિયા આપતા કહ્યું કે વડા પ્રધાન મોદીએ તેમના નેતૃત્વ હેઠળ સ્વદેશી રસી બનાવવામાં ભારતીય વૈજ્ઞાનિકો ખાસ કરીને મહિલા વૈજ્ઞાનિકોના યોગદાનને સ્વીકારેલ છે તે સાંભળીને આનંદ થયો. મહિલા વૈજ્ઞાનિકોએ ફોન કર્યો અને તેઓ ભાવુક થઈ ગયા. પ્રથમ વખત કોઈ વડા પ્રધાનેે વાઈરોલોજિસ્ટની પ્રશંસા કરી હતી.

વધુમાં એક લિંક શેર કરતી વખતે વિવેકે કહ્યું છે કે તેમની ફિલ્મ ‘ધ વેક્સીન વોર’ સંસદમાં દર્શાવવામાં આવશે તે જાણીને ખુશી વ્યકત કરી હતી. ‘ધ વેક્સીન વોર’ ઓટીટી પર ઉપલબ્ધ છે. વિવેક અગ્નિહોત્રીની ફિલ્મોને લઈને દર્શકો ખૂબ જ ઉત્સાહિત છે. દેશના સળગતા મુદ્દાઓ પર ફિલ્મો બનાવનાર વિવેકે જ્યારે ‘ધ વેક્સીન વોર’ બનાવી ત્યારે લોકોએ તેના પ્રયાસોની પ્રશંસા કરી હતી.
આ ફિલ્મ માત્ર બોક્સ ઓફિસ પર જ સફળ નથી રહી, દર્શકોએ તેને ઓટીટી પર ઘણો પ્રેમ પણ આપ્યો હતો. આ ફિલ્મમાં નાના પાટેકરનો રોલ પણ દર્શકોને ઘણો પસંદ આવ્યો હતો. આ ફિલ્મ કોરોનાના સમયગાળા દરમિયાન ડોક્ટરો અને વૈજ્ઞાનિકોના સંઘર્ષને સ્પષ્ટપણે દર્શાવે છે.

ધ વેક્સીન વોરમાં નાના પાટેકર, પલ્લવી જોશી, સપ્તમી ગૌડા, અનુપમ ખેર, ગિરિજા ઓક, નિવેદિતા ભટ્ટાચાર્ય, રાયમા સેન વગેરેએ અભિનય કર્યો હતો.

‘ધ કાશ્મીર ફાઇલ્સ’થી ચર્ચામાં આવેલા વિવેક અગ્નિહોત્રી આ દિવસોમાં પોતાની આગામી ફિલ્મ ‘ધ દિલ્હી ફાઇલ્સ’ના નિર્માણમાં વ્યસ્ત છે. મીડિયા રિપોર્ટ્સનું માનીએ તો વિવેક અગ્નિહોત્રીની આ ફિલ્મમાં મિથુન ચક્રવર્તી અને પલ્લવી જોશી મહત્વની ભૂમિકામાં જોવા મળશે. તેની ફિલ્મ વર્ષ ૨૦૨૪માં સિનેમાઘરોમાં આવવાની છે.