શેરબજારમાં આજનું ફોકસ ટીસીએસ અને ઇન્ફોસિસ પર
![stock market updates: market crashed badly on first day of week](https://bombaysamachar.com/wp-content/uploads/2024/01/share.jpg)
નિલેશ વાઘેલા
મુંબઇ: સતત બીજા દિવસે શેરબજાર કોઈ સ્પષ્ટ દિશાદોર વગર અનિશ્ચિત ટ્રેન્ડમાં અથડાઈ ગયું છે. કોર્પોરેટ પરિણામોની મોસમ જોતા રોકાણકારો શેરલક્ષી કામકાજ પર ફોકસ રાખે છે. શેરબજારમાં આજનું ફોકસ ટીસીએસ અને ઇન્ફોસિસ પર છે. TCS અને Infosys આજે Q3 પરિણામો જાહેર કરશે. રોકાણકારોએ આ સપ્તાહે ફુગાવાના ડેટા અને મુખ્ય કંપનીઓના પરિણામની જાહેરાત પહેલાં નિરીક્ષક બની રહેવાનું પસંદ કરે એવી શક્યતા છે. આજના સત્રમાં રિલાયન્સ અને પ્રાઈવેટ બેંકના શેરોમાં લીડ ગેઈનર રહ્યા હતા. આજના સત્રમાં તમામ ક્ષેત્રીય સૂચકાંકો પણ વધ્યા હતા, જે બજારની અંતર્ગત મજબૂતાઈ સૂચવે છે. TCS અને Infy ના પરિણામો સાથે આજથી શરૂ થતી Q3 પરિણામોની સીઝન FY24 માટે નિફ્ટીની કમાણીના સંકેતો આપશે. નાણાકીય, કેપિટલ ગુડ્સ, ટેલિકોમ, ઓટોમોબાઈલ અને હોટેલ્સ સારા પરિણામ જાહેર કરે એવી અપેક્ષા છે.
IT પરિણામો નરમ રહેશે અને FMCG મિશ્રિત રહેશે. કંપની પરિણામો અને મેનેજમેન્ટ કોમેન્ટરીના પ્રતિભાવમાં બજારના પ્રતિભાવો શેરલક્ષી રહેશે. બજાર દિશાસૂચક વલણ વગર ઉપર અને નીચે આગળ વધી રહ્યું છે. ઉપરની ચાલનો સામનો વેચાણ સાથે કરવામાં આવે છે અને ઘટાડાની ચાલને ખરીદી સાથે પ્રતિસાદ આપવામાં આવે છે, એમ જણાવતાં ટોચના વિશ્લેષક ડૉ. વીકે વિજયકુમારે જણાવ્યું હતું કે ત્રીજા ક્વાર્ટરના પરિણામ બજારને દિશા આપી શકે છે. ડિફેન્સ અને રેલ્વે જેવા સેગમેન્ટ્સના સ્ટોક્સ ઓર્ડરના પ્રવાહને કારણે ઉભી થયેલી અપેક્ષાઓના આધારે ખૂબ જ ઝડપથી વધી ગયા છે. આ ઓર્ડરને અમલમાં લાવવામાં સમય લાગશે અને ત્યારે તે પ્રતિબિંબિત થશે. બીજી તરફ બેન્કિંગ જેવા સેગમેન્ટમાં મૂલ્ય છે, ખાસ કરીને ઉચ્ચ ગુણવત્તાની ખાનગી ક્ષેત્રની મોટી કંપનીઓમાં. પરંતુ આ મૂલ્ય કિંમતમાં પ્રતિબિંબિત થતું નથી. આ ટૂંકા ગાળાની અતાર્કિક ગતિવિધિ છે જેમાં મધ્યમથી લાંબા ગાળામાં સુધારો આવશે.