આમચી મુંબઈ

મની લોન્ડરિંગ કેસમાં વિધાન સભ્ય રવિન્દ્ર વાયકરના ઘરે EDના દરોડા

મુંબઇઃ મુંબઈથી એક મોટા સમાચાર જાણવા મળ્યા છે. એન્ફોર્સમેન્ટ ડિરેક્ટોરેટ (ED) એ શિવસેના ઠાકરે જૂથના વરિષ્ઠ નેતા અને વિધાન સભ્ય રવિન્દ્ર વાયકરના ઘરે દરોડા પાડ્યા છે. EDના દસથી બાર અધિકારીઓ અચાનક મુંબઈમાં વાયકરના ઘરે પહોંચ્યા હતા અને તપાસ શરૂ કરી હતી. પ્રાથમિક માહિતી મુજબ EDની ટીમમાં 10 થી 12 અધિકારીઓનો સમાવેશ થાય છે. EDની ટીમ સવારે 8:30 વાગ્યાની આસપાસ વાયકરના ઘરે પહોંચી હતી.

ED વાયકરના ઘરની તપાસ કરી રહી છે. રવિન્દ્ર વાયકર પૂર્વ મુખ્ય પ્રધાન અને શિવસેના પ્રમુખ ઉદ્ધવ ઠાકરેના ખૂબ જ નજીકના માનવામાં આવે છે. તેઓ મહારાષ્ટ્ર વિધાનસભામાં જોગેશ્વરી પૂર્વ મતવિસ્તારનું પ્રતિનિધિત્વ કરે છે.
લગભગ એક અઠવાડિયા પહેલા વાયકર અને અન્ય કેટલાક લોકો વિરુદ્ધ એન્ફોર્સમેન્ટ કેસ ઇન્ફોર્મેશન રિપોર્ટ (ECIR) દાખલ કરવામાં આવ્યો હતો, જેમાં જણાવવામાં આવ્યું હતું કે આ કેસના શકમંદોને ટૂંક સમયમાં પૂછપરછ માટે બોલાવવામાં આવશે. હવે ઇડીએ આજે વાયકરના ઘરે દરોડા પાડ્યા છે. જોગેશ્વરીમાં આવેલી જમીનની ગેરરીતિના કેસમાં વાયકરના નિવાસસ્થાને દરોડા પાડવામાં આવ્યા હોવાનું માનવામાં આવે છે.

ઇડીએ આરોપ લગાવ્યો છે કે પ્લોટનો દુરુપયોગ કરવામાં આવ્યો હતો અને તથ્યો છુપાવીને ફાઇવ સ્ટાર હોટલ બનાવવાની પરવાનગી મેળવવામાં આવી હતી. ગયા વર્ષે ઇડીએ જોગેશ્વરીમાં કોન્ટ્રાક્ટનું ઉલ્લંઘન કરીને લક્ઝરી હોટલ બાંધવા બદલ વિધાન સભ્ય રવિન્દ્ર વાયકર, તેમની પત્ની અને અન્યો સામે પ્રિવેન્શન ઓફ મની લોન્ડરિંગ એક્ટ (PMLA) હેઠળ કેસ નોંધ્યો હતો. આ અગાઉ, EDએ ઠાકરે જૂથના નેતા સંજય રાઉત અને અનિલ પરબના નિવાસસ્થાને પણ દરોડા પાડ્યા હતા. સંજય રાઉતની ED દ્વારા ધરપકડ પણ કરવામાં આવી હતી. તેમને લગભગ ત્રણ મહિના સુધી જેલમાં રહેવું પડ્યું હતું. આ પછી રવીન્દ્ર વાયકરનું નામ સતત સમાચારોમાં રહ્યું હતું.

બીજેપી નેતા કિરીટ સોમૈયાએ રવિન્દ્ર વાયકર પર નાણાંકીય ગેરરીતિના અનેક આરોપો લગાવ્યા હતા. સોમૈયાએ કહ્યું હતું કે ઉદ્ધવ ઠાકરે અને રવીન્દ્ર વાયકરના વ્યવસાયિક હિત છે. સોમૈયાએ ઘણી વખત ચેતવણી પણ આપી હતી કે રવિન્દ્ર વાયકર ટૂંક સમયમાં જેલમાં જશે. તેમ છતાં વાયકર સામે કોઈ નક્કર કાર્યવાહી કરવામાં આવી ન હતી. જોકે, આજે EDની ટીમે વાયકરના ઘરે દરોડા પાડીને નિર્ણાયક કાર્યવાહી તરફ પહેલું પગલું ભર્યું છે ત્યારે હવે આગળ શું થાય છે તે જોવું અગત્યનું બની જશે.

Show More

Related Articles

Leave a Reply

Your email address will not be published. Required fields are marked *

Back to top button
2024માં આ સેલિબ્રિટી કપલ છૂટા પડ્યા હાર્દિક જ નહીં આ Legends Cricketerની Married Lifeમાં ભંગાણ પડ્યા છે સાચી રીતે નહાવાની રીત જાણો છો? એક કિડની પર કેટલા સમય જીવી શકાય? જાણો Experts શું કહે છે…