સ્ટીવ સ્મિથને ઓપનર બનાવો, લારાનો 400 રનનો રેકૉર્ડ તોડશે : માઇકલ ક્લાર્ક
![Make Steve Smith opener, Lara will break 400-run record: Michael Clarke](https://bombaysamachar.com/wp-content/uploads/2024/01/Jignesh-J-Pathak-2024-01-08T172648.893.jpg)
ડેવિડ વૉર્નરે ટેસ્ટમાંથી નિવૃત્તિ લીધી હોવાથી હવે ઓપનિંગમાં તેનું સ્થાન ખાલી પડ્યું છે. ઉસમાન ખ્વાજા સાથે ઓપનિંગમાં હવે કોણ રમશે મોટો સવાલ છે. ભૂતપૂર્વ સુકાની રિકી પૉન્ટિંગનું માનવું છે કે કૅમેરન બૅન્ક્રૉફ્ટ હવે વૉર્નરનું સ્થાન લેવા માટે પર્ફેક્ટ છે, પરંતુ બીજા ભૂતપૂર્વ કૅપ્ટન માઇકલ ક્લાર્ક તો કહે છે કે સ્ટીવ સ્મિથને જ ઓપનિંગમાં મોકલી દેવો જોઈએ.
સ્મિથ મોટા ભાગે ચોથા નંબર પર બૅટિંગ કરે છે. ક્લાર્કનું એવું પણ માનવું છે કે ‘જો સ્મિથ ઓપનિંગમાં રમતો થશે તો 12 મહિનામાં તે વિશ્ર્વનો બેસ્ટ ટેસ્ટ-ઓપનર બની જશે. એટલું જ નહીં, બ્રાયન લારાનો 400 રનનો વર્લ્ડ રેકૉર્ડ તોડવાની ક્ષમતા પણ સ્ટીવ સ્મિથમાં છે. તે ટેક્નિકલી સાઉન્ડ પણ છે. બૉલને પારખવાની ગજબની સમજશક્તિ તેનામાં છે. મને લાગે છે કે સ્મિથ ટેસ્ટમાં ઓપનિંગમાં રમવા ખૂબ ઉત્સુક છે.’
સ્મિથે ટેસ્ટમાં જે 9,500 રન બનાવ્યા છે એમાંથી 6000 રન ચોથા નંબર પર રમીને બનાવ્યા છે. એ ક્રમે તેની 61.51ની બૅટિંગ-ઍવરેજ છે. વનડાઉનમાં તેણે માત્ર 11 ઇનિંગ્સમાં 67.08ની સરેરાશે કુલ 1744 રન ખડકી દીધા છે.