National Herald Case: કોંગ્રેસે દેખાડો કરવા ખાતર નેશનલ હેરાલ્ડ ન્યૂઝ ઓપરેશન ફરીથી લોન્ચ કર્યું, EDનો આરોપ
નવી દિલ્હી: કોંગ્રેસ અને ગાંધી પરિવાર સાથે જોડાયેલા નેશનલ હેરાલ્ડ કેસ અંગે એન્ફોર્સમેન્ટ ડિરેક્ટોરેટ(ED)એ મોટો દાવો કર્યો છે. EDએ કહ્યું કે નેશનલ હેરાલ્ડ ન્યુઝ પેપર ચલાવવા માટે કોંગ્રેસ સંચાલિત એસોસિએટેડ જર્નલ્સ લિમિટેડ(AJL)એ વિવિધ શહેરોમાં રાહત દરે જમીન મેળવી હતી પરંતુ 2008 માં અખબાર બંધ કરી દીધું હતું, તેણે 2016 ની આસપાસ સમાચાર કામગીરી ફરીથી શરૂ કરી હતી માત્ર તે બતાવવા માટે કે તે હજી પણ પ્રકાશન સાથે સંકળાયેલું છે.
ED એ આરોપ મૂક્યો છે કે કંપનીએ ડિજિટલ પ્લેટફોર્મ દ્વારા સમાચાર કામગીરી ફરીથી માત્ર એટલા માટે શરૂ કરી જેથી એ દર્શાવી શકાય કે તેઓ અખબારોના પ્રકાશન સાથે જોડાયેલા છે.
પંડિત જવાહરલાલ નેહરુ દ્વારા 1937 માં સ્થપાયેલ, AJL એ નેશનલ હેરાલ્ડ, ઉર્દૂમાં કૌમી અવાજ અને નવજીવનનું હિન્દીમાં પ્રકાશિન કરતી હતી. તેને અખબારો પ્રકાશિત કરવાના હેતુથી ભારતના વિવિધ શહેરોમાં જમીન આપવામાં આવી હતી. પરંતુ તેણે 2008 માં કામગીરી બંધ કરી દીધી અને તમામ કર્મચારીઓને સ્વૈચ્છિક નિવૃત્તિની ઓફર કરી, જે તેઓએ સ્વીકારી; ત્યાં સુધીમાં, તેના ચોપડા પરનું દેવું વધીને ₹90 કરોડ થઈ ગયું હતું. તે 2010 માં યંગ ઈન્ડિયન (YI) દ્વારા તેને ખરીદી લેવામાં આવી હતી, જેમાં સોનિયા ગાંધી અને રાહુલ ગાંધી સાથે મળીને 76% હિસ્સો ધરાવે છે.
કોંગ્રેસે 2016 માં જાહેરાત કરી હતી કે તે સમાચાર કામગીરીને ફરીથી શરૂ કરશે.
EDએ જણાવ્યું હતું. “2016 ની આસપાસ, વિવિધ સરકારી એજન્સીઓ દ્વારા તપાસ શરૂ કર્યા પછી, કંપનીએ ડિજિટલ પ્લેટફોર્મ દ્વારા તેના સમાચાર કામગીરીને ફરીથી શરૂ કરી તે બતાવવા માટે કે તે હજુ પણ અખબારોના પ્રકાશનમાં રોકાયેલ છે.” AJL પાસે ₹751 કરોડની સંપત્તિ છે.
એજન્સીના એક અધિકારીએ જણાવ્યું હતું કે તે દર્શાવે છે કે AJL, YI અને AICCની સાંઠગાંઠ હતી, જે કોંગ્રેસ પાર્ટીની કેન્દ્રીય નિર્ણય લેતી સંસ્થા અને આ ત્રણ સંસ્થાઓ… એક જ પદાધિકારીઓ દ્વારા સંચાલિત હતી.
એજન્સીએ આરોપ મૂક્યો છે કે AICC પાસેથી AJL ની ₹90 કરોડની લોન ખરીદવા માટે YI દ્વારા ₹50 લાખનો વ્યવહાર “છેતરપીંડી વ્યવહાર” હતો. અધિકારીઓએ જણાવ્યું કે નેશનલ હેરાલ્ડ કેસમાં તેમની તપાસ ચાલુ છે.
જો કે કોંગ્રેસે વારંવાર કહ્યું છે કે અખબારને બચાવવા અને પત્રકારો અને કર્મચારીઓના પગાર ચૂકવવામાં મદદ કરવા માટે આ વ્યવહાર કરવામાં આવ્યો હતો જ્યારે AJLને ભારે દેવાનો સામનો કરવો પડ્યો હતો. તેણે દલીલ કરી છે કે આ નિર્ણયથી સંગઠનને પુનઃજીવિત કરવામાં મદદ મળી છે અને કેન્દ્ર સરકારને રાજકીય વેર માટે ગાંધી પરિવારને નિશાન બનાવવા માટે જૂનો મુદ્દો ઉખેડીને આરોપ મૂક્યો છે.
