તમે ક્યારેય બ્લેક ટાઈગર જોયો છે…આ રહ્યા ફોટા ને વીડિયો
![Black Tiger](https://bombaysamachar.com/wp-content/uploads/2023/12/Yogesh-Dave-2023-12-24T163632.317.jpg)
મયૂરભાંજઃ પ્રાણીઓની દુનિયા ખૂબ જ વિશાળ અને રોમાચંક છે. ખાસ કરીને વન્ય પ્રાણીઓ ભલે ખુંખાર લાગતા હોય પણ તેને જોવાની અને તેના વિશે જાણવાની ઉત્કંઠા હંમેશાં જાગતી હોય છે. જે અધિકારીઓ કે કમર્ચારીઓ અહીં દિવસરાત કામ કરે છે તેઓ આ વન્યજીવોની સૃષ્ટિથી વાકેફ હોય છે અને તેઓ આ કામનો આનંદ લેતા હોય છે. આવા જ એક અધિકારીએ ક્યારેક જ જોવા મળતા બ્લેક ટાઈગરના ફોટા અને વીડિયો તો શેર કર્યા છે, પણ તેના વિશેની માહિતી પણ આપી છે.
The black tigers of #India. Do you know there are pseudo- melanistic tigers found in Simlipal. They are such due to genetic mutation & highly rare. Such beautiful creature. pic.twitter.com/X1TEw8r1cD
— Parveen Kaswan, IFS (@ParveenKaswan) December 22, 2023
વાસ્તવમાં, વિશ્વમાં કાળા વાઘ છે, જેના વિશે ઘણા લોકો હજુ પણ અજાણ છે. તેઓ સામાન્ય વાઘ જેવા જ હોય છે, માત્ર તેઓ પીળાને બદલે કાળા હોય છે. આ વાઘનો વીડિયો અને ફોટો સોશિયલ મીડિયા પ્લેટફોર્મ X પર ભારતીય વન સેવા અધિકારી પરવીન કાસવાન દ્વારા તેમના એકાઉન્ટ @ParveenKaswan પર શેર કરવામાં આવ્યો છે. વાઘ સાથે જોડાયેલી એક ખૂબ જ રસપ્રદ વાત જણાવતા તેણે કેપ્શનમાં લખ્યું, બ્લેક ટાઈગર્સ ઓફ ઈન્ડિયા. આ વાઘ ભારતના સિમલીપાલમાં જોવા મળે છે. આ સ્યુડો-મેલેનિસ્ટિક વાઘ છે. આનુવંશિક પરિવર્તનને કારણે તેઓ આના જેવા બને છે અને તે ખૂબ જ દુર્લભ છે. ખૂબ જ સુંદર છે.
Black #tigers of #India. From Simlipal. So what he just did there ?? pic.twitter.com/aQyThkcNfz
— Parveen Kaswan, IFS (@ParveenKaswan) December 23, 2023
કાળા વાઘ સ્યુડો મેલાનિસ્ટિક અથવા સ્યુડો મેલાનિઝમના કારણે થાય છે. આ વાઘ પર ખૂબ જ પહોળા પટ્ટાઓ જોવા મળે છે. ઓફિસર પરવીન કાસવાને પોતાની પોસ્ટમાં જણાવ્યું હતું કે સ્યુડો-મેલેનિસ્ટિક વાઘ પહેલીવાર વર્ષ 1993માં સિમિલીપાલમાં જોવા મળ્યા હતા. સિમિલીપાલ ઓડિશાના મયૂરભાંજામાં આવેલો નેશનલ પાર્ક છે. જે એલિફન્ટ અને ટાઈગર રિઝર્વ્સ તરીકે જાણીતો છે.