તો આ કારણે સાક્ષી મલિકે કુસ્તીમાંથી નિવૃત્તિ જાહેર કરી….
નવી દિલ્હીઃ રેસલિંગ ફેડરેશન ઓફ ઈન્ડિયા (WFI)ની ચૂંટણી પૂર્ણ થયા બાદ મહિલા રેસલર સાક્ષી મલિકે મોટી જાહેરાત કરી છે. ભારતની અનુભવી રેસલર સાક્ષી મલિકે કુસ્તીમાંથી નિવૃત્તિ લેવાની જાહેરાત કરી છે. ભારતીય કુસ્તી સંઘની ચૂંટણી ગુરુવારે (21 ડિસેમ્બર) યોજાઈ હતી, જેમાં સંજય સિંહ વિજયી થઇ નવા પ્રમુખ બન્યા છે. તેઓ ભારતીય કુસ્તી સંઘના પૂર્વ પ્રમુખ અને ભાજપના સાંસદ બ્રિજભૂષણ શરણ સિંહના નજીકના હોવાનું માનવામાં આવે છે. આ વર્ષે પહેલવાન લોકોએ બ્રિજભૂષણ શરણ વિરુદ્ધ મોરચો ખોલ્યો હતો અને દિલ્હીના જંતર-મંતર પર વિરોધ પ્રદર્શન કર્યું હતું. હવે જ્યારે તેમની નજીકની વ્યક્તિ પ્રમુખ બની ત્યારે સાક્ષીએ નિવૃત્તિ લેવાનું નક્કી કર્યું.
#WATCH | Delhi: Wrestler Sakshi Malik says "We slept for 40 days on the roads and a lot of people from several parts of the country came to support us. If Brij Bhushan Singh's business partner and a close aide is elected as the president of WFI, I quit wrestling…" pic.twitter.com/j1ENTRmyUN
— ANI (@ANI) December 21, 2023
સલર સાક્ષી મલિકની નિવૃત્તિ અંગે બોલતા કુસ્તીબાજ બજરંગ પુનિયાએ કહ્યું હતું કે રમત મંત્રીએ રેકોર્ડ પર કહ્યું હતું કે બ્રિજભૂષણ શરણ સિંહ સાથે સંબંધિત કોઈ પણ ફેડરેશનમાં નહીં આવે, પરંતુ મને નથી લાગતું કે દીકરીઓને ન્યાય મળશે. આજની ચૂંટણીમાં બ્રિજભૂષણનો માણસ જીત્યો છે. તેમણે કહ્યું કે મને ન્યાયતંત્રમાં વિશ્વાસ છે કે તેઓ ન્યાય કરશે. તેમણે એમ પણ કહ્યું કે એવું લાગે છે કે આપણી પેઢી દર પેઢીઓ ન્યાય માટે લડતી રહેશે. જે વચનો આપ્યા હતા તે પૂરા કરવામાં સરકાર નિષ્ફળ રહી છે.
